Дар Ҳисор озмуни «Шаҳраки ҳунармандон» идома дорад
ҲИСОР, 18.05.2018 /АМИТ «Ховар»/. Миёни сокинони ҷамоатҳои шаҳраку деҳоти шаҳри Ҳисор бахшида ба эълон гардидани Соли рушди сайёҳӣ ва ҳунарҳои мардумӣ бо мақсади баланд бардоштани фарҳанги миллӣ, ҳунари волои ниёгон, анъанаҳои миллӣ, омода намудани хӯрокҳои миллӣ ва дарёфти беҳтарин ҳунармандон озмуни шаҳрии «Шаҳраки ҳунармандон» баргузор гардида истодааст. Дар ин бора аз бахши кор бо занон ва оилаи шаҳри Ҳисор ба хабарнигори минтақавии АМИТ «Ховар» иттилоъ доданд.
Мудири бахши кор бо занон ва оилаи шаҳри Ҳисор Миҷгона Каримова зикр намуд, ки дар ҷараёни ин чорабиниҳо ҳунармандони ҷамоатҳои шаҳраку деҳот ҳунарҳои пӯхтани маҳсулоти нонӣ, омодакунии таъомҳои миллӣ, қолинбофӣ, пиликбофӣ, зардӯзӣ, гулдӯзӣ, қуроқдӯзӣ, попурзанӣ, кандакорӣ, табақтарошӣ ва дигар намуди ҳунарҳои дастии худро муаррифӣ менамоянд.
Тибқи иттилои масъулин, озмуни «Шаҳраки ҳунармандон» дар ду давр гузаронида мешавад ва дар ҷамъбасти Соли рушди саёҳӣ ва ҳунарҳои мардумӣ дар чойхонаи «Харбуза»-и шаҳри Ҳисор ғолибони озмун бо сипосномаҳо ва туҳфаи хотиравии омодакардаи мақомоти иҷроияи ҳокимияти давлатии шаҳри Ҳисор қадрдонӣ мешаванд.
Имрӯз дар шаҳри Душанбе ҳаво то 33 дараҷа гарм мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
