Дар Маркази тадқиқоти стратегии назди Президенти Ҷумҳурии Тоҷикистон бо ҳайати намояндагони Покистон мулоқот ороста шуд
ДУШАНБЕ, 29.05.2018./АМИТ «Ховар»/. Имрӯз мулоқоти роҳбарият ва кормандони Маркази тадқиқоти стратегии назди Президенти Ҷумҳурии Тоҷикистон бо ҳайати намояндагони Ҷумҳурии Исломии Покистон таҳти сарварии Раиси Кумитаи сардорони ситодҳои муттаҳидаи Артиши ин кишвар генерал Зубайр Маҳмуд Ҳаят баргузор гардид.
Ҳамоишро директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар кушода, меҳмононро ба сарзамини Тоҷикистон хайрамақдам гуфт ва зимнан зикр намуд, ки мардуми Тоҷикистону Покистон аз қадимулайём дӯсту бародар буда, риштаи дӯстиву рафоқати онҳо дар оянда боз ҳам мустаҳкамтар хоҳад гардид. Муносибатҳои дӯстонаи Тоҷикистону Покистон ба василаи асноди қарордодиву ҳуқуқӣ мустаҳкам гардонида шудаанд. Дар замони Истиқлолияти давлатии кишварамон байни давлатҳои Тоҷикистон ва Покистон беш аз 50 санади муҳим ба имзо расидаанд.
Раиси Кумитаи сардорони ситодҳои муттаҳидаи Артиши Ҷумҳурии Исломии Покистон генерал Зубайр Маҳмуд Ҳаят барои пазироии самимона изҳори миннатдорӣ намуда, дар бораи ҷанбаҳои гуногуни кишварамон маълумоти мухтасар дода, афзуд, ки ҷониби Покистон ҷиҳати рушду нумӯ ва ривоҷу равнақ пайдо кардани ҳамкориҳои мутақобилан судманд бо мақомоти дахлдори Ҷумҳурии Тоҷикистон дар самтҳои мавриди таваҷҷуҳ манфиатдор буда, барои ҳамкорӣ дар роҳи дар мубориза бо терроризму ифротгароӣ ва дигар зуҳуроти номатлуб ҳамеша омода аст.
Сипас ҷаноби Зубайр Маҳмуд Ҳаят ва ҳамроҳони ӯ ба саволҳои кормандони Маркази тадқиқоти стратегии назди Президенти Ҷумҳурии Тоҷикистон посухҳои қаноатбахш доданд.
Дар поёни ҳамоиш директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар ба ҳайати намояндагони Ҷумҳурии Исломии Покистон барои суҳбати пурмазмуну муфид арзи сипос намуда, мулоқотро натиҷагирӣ ва ҷамъбаст кард.
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
