Дар ноҳияи Бобоҷон Ғафуров Боғи фарҳангиву фароғатӣ бунёд мешавад
ДУШАНБЕ, 31.05.2018 /АМИТ «Ховар»/. Ба истиқболи 30-солагии Истиқлолияти давлатии Ҷумҳурии Тоҷикистон дар Ҷамоати деҳоти Унҷии ноҳияи Бобоҷон Ғафуров Боғи фарҳангиву фароғатӣ бунёд мешавад.
Тавре аз хадамоти матбуоти раиси вилояти Суғд ба АМИТ «Ховар» хабар доданд, зимни гузоштани санги асоси Боғи фарҳангиву фароғатӣ раиси вилоят Раҷаббой Аҳмадзода зикр кард, ки барои беҳбудии шароити зисту зиндагии мардум то ҷашни Истиқлолияти давлатӣ дар ҳамаи ҷамоат, шаҳраку деҳоти шаҳру ноҳияҳои вилоят мактабу кӯдакистонҳои садамавӣ бартараф гардида, инчунин коргоҳҳои дӯзандагӣ, майдончаҳои варзишӣ, қасрҳои фарҳанг, бунгоҳҳои тиббӣ, кошонаи ҳусн, ҳаммом, сартарошхона, боғҳои фарҳангиву фароғатӣ бо тарзу услуби замонавӣ бунёд ва ба истифода дода мешаванд.
Сохтмони боғро ҶДДМ «Барқарор» ба зимма дошта, нақша дорад, ки дар боғ фаввораи муосир, майдончаи бозӣ барои кӯдакону наврасон бунёд намуда, дар ин макон барои истироҳати калонсолону кӯдакон тамоми шароитро фароҳам орад.
Дар хоҷагиҳои шаҳри Ҳисор ҷамъоварии ҳосили пахта оғоз гардид
Имрӯз дар шаҳри Душанбе ҳаво то 33 дараҷа гарм мешавад
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
