Дар Суди Олии иқтисодӣ вобаста ба аҳамияти Конфронси байналмилалии Душанбе «Муқовимат бо терроризм ва ифротгароии хушунатомез» мизи мудаввар баргузор гардид
ДУШАНБЕ, 14.05.2018 /АМИТ «Ховар»/. Нимаи аввали имрӯз дар толори маҷлисгоҳи Cуди Олии иқтисодии Ҷумҳурии Тоҷикистон бо иштироки роҳбарият, судяҳо, кормандони дастгоҳи Суди Олии иқтисодӣ ва Суди иқтисодии шаҳри Душанбе ҷиҳати омӯзиши суханронии Пешвои миллат муҳтарам Эмомалӣ Раҳмон дар маросими ифтитоҳи Конфронси сатҳи байналмилалӣ «Муқовимат бо терроризм ва ифротгароии хушунатомез» мизи мудаввар доир гардид.
Тавре ба АМИТ «Ховар» корманди масъули Суди Олии иқтисодӣ Б. Ғоибов иттиллоъ дод, Раиси Суди Олии иқтисодӣ М. Қаландарзода зимни маърӯзаи худ зикр кард, ки терроризм ва ифротгароӣ яке аз масъалаҳои доғи рӯз ва вабои аср буда, мубориза бо он қарзи ҳар як инсон ва шаҳрванд мебошад. Таъмин намудани сулҳу субот ва амнияти пойдори кишварҳо аз ҷумлаи вазифаҳои калидӣ ва шарти муҳимтарини роҳандозиву пешбурди равандҳои созанда ба хотири рушди устувор дар сатҳи байналмилалӣ ва минтақавӣ ба ҳисоб меравад.
Иштирокдорони мизи мудаввар паҳлӯҳои гуногуни маърӯзаи Пешвои миллатро дар Конфронси байналмилалии сатҳи баланд мавриди баррасӣ қарор дода, таъкид карданд, ки Тоҷикистон ҳамчун узви фаъоли Созмони Милали Муттаҳид Стратегияи миллии мубориза бо терроризм ва ифротгароиро барои солҳои 2016-2020 қабул кардааст. Зикр карда шуд, ки Тоҷикистон дар мубориза ба муқобили терроризм мавқеи қатъӣ ва устувор дошта, ҳамкории ҳадафмандонаро дар ин самт дар чаҳорчӯби созмонҳои минтақавӣ, ба мисли Иттиҳоди Давлатҳои Мустақил, Созмони Аҳдномаи амнияти дастаҷамъӣ ва Созмони Ҳамкории Шанхай роҳандозӣ намудааст.
Дар мизи мудаввар ҳамчунин Судяи Суди Олии иқтисодӣ П. Мирзозода дар мавзӯи «Терроризм ва ифротгароӣ дар ҷаҳони имрӯза» ва судяи Суди иқтисодии шаҳри Душанбе З. Саидзода дар мавзӯи «Хатари умумиҷаҳонии экстремизм ва терроризми байналмилалӣ» маърӯза карданд.
Хотиррасон мешавем, ки рӯзҳои 3-4 май дар шаҳри Душанбе бо иштироки зиёда аз 400 коршиносону мутахассисон аз кишварҳои гуногуни ҷаҳон Конфронси байналмилалии сатҳи баланд таҳти унвони «Муқовимат бо терроризм ва ифротгароии хушунатомез» баргузор гардид ва вобаста ба натиҷаҳои он Эъломияи Душанбе қабул шуд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
