ФУРУДГОҲ – ДАРВОЗАИ МАМЛАКАТ. Хизматгузорӣ ба меҳмонон ва сайёҳон маҳз аз ҳамин ҷо шуруъ мешавад…
ДУШАНБЕ, 01.05.2018. /АМИТ «Ховар»/. Дирӯз бахшида ба Соли рушди сайёҳӣ ва ҳунарҳои мардумӣ Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Фурудгоҳи байналмилалии шаҳри Душанбе ва Маркази рушди инсон «Само» семинари омўзишӣ баргузор намуд.
Тавре ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд, дар семинар роҳбарият ва намояндагони Кумита ва Фурудгоҳи байналмилалии шаҳри Душанбе иштирок намуда, масъалаҳои қабулу хизматрасонӣ ба сайёҳон, тарғибу ташвиқи имкониятҳои сайёҳии Тоҷикистон ва расонидани иттилооти зарурӣ ва саривақтӣ ба сайёҳонро мавриди баррасӣ қарор доданд.
Муовини раиси Кумитаи рушди сайёҳӣ Ширин Амонзода зимни суханронии худ иброз дошт, ки саноати сайёҳии замони муосир яке аз соҳаҳои рушдёбанда ва сердаромади иқтисоди ҷаҳонӣ арзёбӣ мегардад ва тибқи нишондиҳандаҳои омории бозори сайёҳӣ, дар Тоҷикистон бо дастгириҳои давлату Ҳукумати мамлакат тамоюли устувори баландшавии гардиши сайёҳӣ ба назар мерасад.
Дар рафти семинар иттилоъ дода шуд, ки дар Фурудгоҳи байналмилалии Душанбе дар хадамоту шуъбаҳое, ки бевосита ба хизматрасонии мусофирон сару кор доранд, ҳамарўза бо мусофирон ва меҳмонони ба кишвар воридшуда пурсишҳою мониторинг гузаронида, дархосту талабҳои онҳоро ба қайд мегиранд ва мавриди муҳокимаю коргузорӣ қарор медиҳанд. Инчунин, дар толори қабул ва гусели меҳмонони фурудгоҳ китоби арзу шикоятҳо мавҷуд аст, ки аз ҷониби меҳмонон фаъолона истифода мешавад. Дар толори мусофирон телевизор ҷойгир карда шудааст, ки мавзеъҳои сайёҳии кишварро бо маълумоти дақиқ таблиғ менамояд. Дар майдони назди аэровокзали фурудгоҳ 3 адад лавҳаи иттилоотӣ бо нишондоди маълумоти зарурӣ бо се забон — тоҷикӣ, русӣ ва англисӣ насб карда шудааст.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
