Худ ва наздиконатро эҳтиёт намо!
ДУШАНБЕ, 31.05.2018 /АМИТ «Ховар»/. Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади пешгирии ҷавонону наврасон аз бемориҳои гуногуни сироятӣ дар кӯчаҳои шаҳри Душанбе тренинги омӯзишии сайёр таҳти унвони «Худ ва наздиконатро эҳтиёт намо!» баргузор намуда истодааст. Ин иқдом аз ҷониби волонтёрони Кумитаи кор бо ҷавонон ва варзиш бо мақсади пешгирии ҷавонон аз ҳар гуна бемориҳои сироятӣ, аз қабили бемориҳои ВНМО/БПМН (ВИЧ/СПИД) ва тарғиби тарзи ҳаёти солим миёни насли ҷавон гузаронида шуд.
Зимни ҳамоиш волонтёрон ба сокинони пойтахт ва ҷавонону наврасон маводи иттилоотӣ тақсим намуда, ба онҳо хатари бемориҳои сироятиро фаҳмониданд.
“Дар тренинги мазкур даҳҳо нафар сокинон, ҷавонону наврасон ва меҳмонони хориҷӣ ширкат варзиданд. Миёни иштирокдорон нафароне буданд, ки аз мавҷудияти чунин бемории хатарнок бехабар буданд. Мақсади асосии мо пешгирии аҳолии кишвар аз бемориҳои ВНМО/БПМН мебошад”,-зикр намуд волонтёри фаъоли Кумита Эраҷ Шарипов.
Ҳамоиши мазкур аз ҷониби Кумитаи кор бо ҷавонон ва варзиш муддати се рӯз дар кӯчаву хиёбонҳои шаҳри Душанбе баргузор мегардад.
Имрӯз дар Тоҷикистон чангу ғубор ба амал меояд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
