ИЖТ роҳбарият ва кормандони АМИТ «Ховар»-ро бо медали «100-солагии Матбуоти тоҷик» сарфароз гардонид
ДУШАНБЕ, 11.06.2018 /АМИТ «Ховар»/. Роҳбарият ва се нафар корманди фаъоли Агентии миллии иттилоотии Тоҷикистон «Ховар» бо медали «100-солагии Матбуоти тоҷик» сарфароз гардиданд. Медали ҷашниро, ки соли 2012 ба муносибати 100-солагии таҷлили Рӯзи матбуоти тоҷик таъсис дода шудааст, дар маросими ботантана Раиси Иттифоқи журналистони Тоҷикистон Зинатуллоҳ Исмоилзода, ки ҳамзамон директори Академияи воситаҳои ахбори оммаи Тоҷикистон мебошад, ба кормандони АМИТ «Ховар» тақдим намуд.
Ҳамзамон дар вохӯрӣ Раиси Иттифоқи журналистони Тоҷикистон Зинатуллоҳ Исмоилзода ба бархе аз кормандони хабаргузории давлатии Тоҷикистон «Ховар», ки ба узвияти Итифоқи журналистони Тоҷикистон пазируфта шуданд, шаҳодатнома супорид.
Раиси Иттифоқи журналистони Тоҷикистон зимни мулоқоташ бо ҳайати эҷодию техникии АМИТ «Ховар» ва радиои «Ховар» доир ба фаъолият ва ҳадафу дурнамои Иттифоқи журналистони Тоҷикистон ва Академияи ВАО-и Тоҷикистон сухан кард. Мавсуф афзуд, ки баъди баргузории Анҷумани 12-уми Иттифоқи журналистони Тоҷикистон аз навбақайдгирии аъзои Иттифоқи журналистони Тоҷикистон оғоз гардид ва то ба имрӯз аз тамоми минтақаҳои кишвар ҳудуди 1000 нафар рӯзноманигорон узви Иттифоқи журналистони Тоҷикистон гардиданд.
Дар анҷом Раиси Иттифоқи журналистони Тоҷикистон ба ҳайати эҷодию техникии АМИТ «Ховар» ва радиои «Ховар» дар самти иҷрои рисолати касби пуршарафи рӯзноманигорӣ комёбӣ таманно карда, хостори таҳкими ҳамкории мутақобилан судманди АМИТ «Ховар» бо Иттифоқи журналистони Тоҷикистон гардид.
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
