Мулоқотҳои дуҷонибаи Котиби Шӯрои амнияти Ҷумҳурии Тоҷикистон дар Чин
ДУШАНБЕ,22.05.2018 /АМИТ «Ховар»/. 21 майи соли 2018 дар шаҳри Пекин дар ҳошияи иштирок дар Вохӯрии сенздаҳуми Котибони Шӯроҳои амнияти давлатҳои аъзои Созмони Ҳамкории Шанхай мулоқоти Котиби Шӯрои амнияти Ҷумҳурии Тоҷикистон Абдураҳим Қаҳҳоров бо узви Шӯрои давлатии Ҷумҳурии Мардумии Чин, Вазири амнияти ҷамъиятии Чин Чжао Кэчжи доир гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар рафти вохӯрӣ ҷонибҳо муҳимияти тадбиқи мувофиқаҳои миёни сарони ҳарду давлат бадастомада ва санадҳои дар соҳаи амният баимзорасидаро ёдовар шуда, доираи васеи масъалаҳои ҳамкории ҳарду кишвар дар самти таъмини амният ва субот, аз ҷумла, масъалаҳои мубориза бо терроризм ва экстремизм, муомилоти ғайриқонунии маводи мухаддир, ҷинояткории муташаккилонаи фаромиллӣ ва дигар масъалаҳои мавриди таваҷҷуҳи муштаракро муҳокима намуданд. Ҳамчунин вобаста ба масъалаҳои мубрами минтақавӣ, аз ҷумла, вазъият дар Афғонистон табодули назар сурат гирифт.
Ҷонибҳо талошҳо ва саҳми давлатҳои аъзои СҲШ, аз ҷумла, Тоҷикистон ва Чинро дар ташаккулёбӣ ва рушди Созмони мазкур қайд карда, аз он изҳори ҳамфикрӣ намуданд, ки ин Вохӯрии Котибони Шӯроҳои амнияти давлатҳои аъзои СҲШ барои омода намудани Ҳамоиши СҲШ дар шаҳри Чиндао марҳилаи муҳим ба ҳисоб меравад.
Котиби Шӯрои амнияти Ҷумҳурии Тоҷикистон Абдураҳим Қаҳҳоров ҳамчунин бо Мушовир оид ба амнияти миллии Ҷумҳурии Исломии Покистон Насер Хан Ҷанҷуа вохӯрӣ намуд.
Дар рафти вохӯрӣ мавзӯъҳои рӯзмараи ҳамкории дуҷониба ва минтақавӣ мавриди муҳокима қарор гирифтанд.
Ҷонибҳо аз сатҳи ҳамкории дуҷониба дар соҳаи амният изҳори қаноатмандӣ карда, таҳким ва тавсеаи минбаъдаи онҳоро таъкид карданд.
Гуфта шуд, ки Ҷумҳурии Тоҷикистон иштироки якуми Покистонро дар Вохӯрии Котибони Шӯроҳои амнияти давлатҳои аъзои СҲШ хуш пазируфта, оид ба ҳамкории минбаъдаи мутақобилан муфид дар доираи ин Созмон изҳори боварӣ дорад.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
