Нокомии Саидҷалол Саидов дар Гран-прии дзюдо дар Чин
ДУШАНБЕ, 28.05.2018 /АМИТ «Ховар»/. Паҳлавони шинохтаи тоҷик Саидҷалол Саидов, ки дар мусобиқаи байналмилалии Гран-прии дзюдо ширкат дошт, ба нокомӣ рӯ ба рӯ гардид.
Тавре аз Федератсияи дзюдои Тоҷикистон ба хабарнигори АМИТ «Ховар» хабар доданд, мусобиқаи мазкур рӯзҳои 25-27-уми дар шаҳри Ҳоҳҳоти Ҷумҳурии Мардумии Чин баргузор гардида, Саидҷалол Саидов дар вазни то 100 кг бо варзишгари амрикоӣ Л.А. Смит вориди майдони рақобат шуд. Сабқат байни онҳо муддати 5 дақиқаву 12 сония идома ёфта, ба фоидаи варзишгари амрикоӣ анҷом ёфт. Мағлубият Саидҷалолро аз идомаи иштирок дар ин мусобиқа маҳрум кард.
Хотиррасон менамоем, ки ин аввалин мусобиқаи литсензионист, ки варзишгарон барои роҳ ёфтан ба Бозиҳои тобистонаи олимпии соли 2020 имтиёз ба даст меоранд. Барои ба даст овардани медали тиллоии мусобиқа ба ғолиб 700, барои медали нуқра 490 ва барои медали биринҷӣ 350 имтиёз дода мешавад. Дар мусобиқаи мазкур 381 нафар варзишгарон (213 мард, 168 зан) аз 49 давлати дунё ширкат варзиданд.
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
