ҶОМИ КФО-2018: имрӯз «Истиқлол»-и Тоҷикистон бо «Аҳал»-и Туркманистон дидори ҷавобӣ анҷом медиҳад

ДУШАНБЕ, 01.05.2018 /АМИТ «Ховар»/.  Имрӯз  дар доираи бозиҳои даври 5-уми Ҷоми КФО-2018 дар гурӯҳи «D» дастаи футболи «Истиқлол»-и Тоҷикистон дар сафар бо дастаи футболи «Аҳал»-и Туркманистон дидори ҷавобӣ анҷом медиҳад.  

Тавре аз Федератсияи футболи Тоҷикистон ба АМИТ «Ховар» иттилоъ доданд, ин дидор имрӯз, 1 май дар шаҳри Балканободи Ашхободи Туркманистон соати 18:00  баргузор мегардад.

Ёдовар мешавем, ки дар бозии аввали марҳилаи гурӯҳии Ҷоми КФО-2018 дастаи футболи «Истиқлол»-и Тоҷикистон 7 марти соли равон дар Варзишгоҳи марказии шаҳри Ҳисор дастаи «Аҳал»-и Туркманистонро бо ҳисоби 1:0 шикаст дод. Аз рӯи натиҷаҳои 4 давр дастаи футболи «Истиқлол» бо 10 имтиёз садрнишини гурӯҳи «D» мебошад.