Паҳлавонони навраси тоҷик дар Чемпионати Осиё-2018 ширкат мекунанд
ДУШАНБЕ, 08.05.2018 /АМИТ «Ховар»/. 10-13 майи соли равон дар шаҳри Тошканди Ҷумҳурии Ӯзбекистон Чемпионати Осиё оид ба гуштини тарзи озод ва юнонӣ-римӣ миёни наврасон доир мегардад.
Тавре аз Федератсияи дзюдои Тоҷикистон ба АМИТ «Ховар» иттилоъ доданд, ҷиҳати иштирок дар чемпионати мазкур дастаи мунтахаби наврасони Тоҷикистон дар ҳайати калон ширкат мекунад.
«Дар ин мусобиқа Тоҷикистонро дар намуди гуштини юнонӣ-римӣ Аслам Азизов дар вазни 48 кг, Фирӯз Мирзораҷабов дар вазни 51 кг, Давлаталӣ Файзов дар вазни 55 кг, Алиҷон Ҷӯраев дар вазни 60 кг, Шаҳрзод Очилов дар вазни 65 кг ва Ҳабибҷон Зуҳуров дар вазни 71 кг таҳти роҳбарии сармураббӣ Олим Аланазаров намояндагӣ хоҳанд кард», — омадааст дар хабари Федератсияи дзюдо.
Ҳамчунин гуфта мешавад, ки дар намуди гуштини тарзи озод, ки 12 май шурӯъ мешавад, Тоҷикистонро 9 варзишгар — Шаҳбоз Саидов дар вазни 48 кг, Расулҷон Иноятов дар вазни 51 кг, Ҷамшед Қодиров дар вазни 55 кг, Мустафо Аҳмадов дар вазни 60 кг, Хайрулло Кулулов дар вазни 65 кг, Саидасан Ашрафхонов дар вазни 71 кг, Абубакр Шукуров дар вазни 80 кг, Исмоил Раҷабов дар вазни 92 кг ва Раҳмонҷон Маҳмадбеков дар вазни 110 кг таҳти роҳбарии сармураббӣ Абдурозиқ Олимов намояндагӣ менамоянд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
