Қӯшунҳои сарҳадии КДАМ довталабонро ба курсҳои тайёрии мутахассисони мақомоти назорати сарҳадӣ қабул мекунанд

ДУШАНБЕ, 11.05.2018 /АМИТ «Ховар»/. Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бо мақсади ҷалби ҷавондухтарон ба курсҳои тайёрии мутахассисони мақомоти назорати сарҳадӣ қабули довталабонро эълон менамояд.

Тавре сардори маркази матбуоти Қӯшунҳои сарҳадии КДАМ Муҳаммад Улуғхоҷаев ба хабарнигори АМИТ «Ховар» хабар дод, ҷавондухтарони синнашон аз 20 то 26-сола, дорои маълумоти олӣ, донандаи забонҳои хориҷӣ метавонанд ҳуҷҷатҳояшонро ба Раёсати кадрҳои Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, ба суроғаи  шаҳри Душанбе, кӯчаи Шоҳтемур 31 пешниҳод намоянд.

Телефонҳо барои маълумот:  + 992 37 (48) 701-67-64, дар вилояти Суғд:  (+ 992)  93-553-53-63.