ТАҚВИМИ АМИТ «ХОВАР»: Имрӯз 18 май, ҷумъа, 138-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

18 майи соли 2015 Президенти Ҷумҳурии Тоҷикистон  Эмомалӣ Раҳмон ноиби президенти Бонки давлатии рушди Чин Сиаою Жаоро ба ҳузур пазируфтанд.

18 МАЙ ТАҶЛИЛ КАРДА МЕШАВАД:

 Рӯзи умумиҷаҳонии осорхонаҳо.

РӮЙДОДҲО:

17 сол қабл, 18 майи соли 2001 дар шаҳри Токио семинар бахшида ба робитаҳои тиҷоратӣ-сармоягузории Ҷумҳурии Тоҷикистон ва Япония  доир гашт.

***

18 майи соли 2010 Президенти Ҷумҳурии Тоҷикистон Эмомалӣ Раҳмон дар Иҷлосияи 37-уми Шўрои вазирони корҳои хориҷии кишварҳои аъзои Созмони конфронси исломӣ, ки дар шаҳри Душанбе баргузор гардид, иштирок ва суханронӣ намуданд.

***

18 майи соли 2010 шаҳри Душанбе аз ҷониби ISESCO ҳамчун пойтахти тамаддуни исломӣ муаррифӣ гардид.

***

Дар ин рӯз, 18 майи соли  2012 Президенти мамлакат Эмомалӣ Раҳмон Намояндаи вижаи Созмони Милали Муттаҳид оид ба масъалаҳои зидди шиканҷа ва дигар намудҳои муносибати ғайриинсонӣ ё таҳқиркунандаи шаъни инсон ва ҷазои бераҳмона Хуан Мендесро ба ҳузур пазируфтанд.

***

5 сол қабл, 18 майи соли 2013 Президенти Ҷумҳурии Тоҷикистон Эмомалӣ Раҳмон барои иштирок дар Форуми дуввуми об барои кишварҳои минтақаи Осиё ва Уқёнуси Ором дар мавзӯи «Амнияти вобаста ба об ва таҳдидҳои офатҳои табиии марбут бо об» аз пойтахти Шоҳигарии Таиланд шаҳри Бангкок ба шаҳри Чиангмай омаданд.

ИНЧУНИН ДАР ИН РӮЗ…

Соли 1974 Ҳиндустон ҳамчун 6-умин давлате, ки дорои бомбаи ҳастаӣ мебошад, шинохта шуд.