ТАҚВИМИ АМИТ «ХОВАР»: Имрӯз 4 май, ҷумъа, 124-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

4 майи соли 2012 дар шаҳри Душанбе дар мулоқоти Президенти Ҷумҳурии Тоҷикистон Эмомалӣ Раҳмон бо гурӯҳи вакилони Парлумони Аврупо оид бо кишварҳои Осиёи Марказӣ масоили вобаста ба ҳамкории Тоҷикистон бо Парлумон ва дигар сохторҳои Иттиҳоди Аврупо баррасӣ шуд.

***

6 сол пеш, 4 майи соли 2012 дар шаҳри Душанбе масоили вобаста ба муносиботи дӯстона ва ҳамкории судбахши Тоҷикистон ва Шоҳигарии Белгия баррасӣ шуд. 

 ***

Дар ин рӯзи соли 2013 дар шаҳри Душанбе Сарвари давлат Эмомалӣ Раҳмон ва Роҳбари Намояндагии доимии Хазинаи Оғохон дар Тоҷикистон Акбаралӣ Песнани ҷараёни ҳамкории Тоҷикистон бо Созмони Оғохон оид ба рушд ва дурнамои муносиботи судбахшро муҳокима намуданд.

 4 МАЙ ТАҶЛИЛ КАРДА МЕШАВАД:

Дар Латвия – Рӯзи барқарорсозии истиқлолият.

***

Дар Чин – Рӯзи ҷавонон.

 РӮЙДОДҲО:

4 майи соли 1992 дар шаҳри Душанбе Сафорати Федератсияи Россия дар Ҷумҳурии Тоҷикистон ифтитоҳ гардид.

***

4 май соли 2010 сарояндаи хушсалиқаи тоҷик, ки Тоҷикистонро дар 2-юмин Фестивали байналмилалии ҷавонони «Санремо юниор» (Sanremo unior) намояндагӣ мекард, дипломи ҷойи аввалро соҳиб шуд.

***

Инчунин 4 майи соли 2011 дар Федератсияи Иттифоқҳои касабаи мустақили Тоҷикистон маросими баимзорасии Созишнома миёни Федератсияҳои Иттифоқҳои касабаи Тоҷикистон, Қирғизистон ва Қазоқистон дар бораи муҳоҷират баргузор гардид.

***

Як сол қабл,  4 майи соли 2017 дар Осорхонаи миллии Тоҷикистон намоиши «Дар мубориза бо миллатгароӣ мо якҷо будем» баргузор гардид.

***

4 майи соли 1939 Иттифоқи композиторони Қазоқистон таъсис дода шуд.

***

Дар ин рӯзи соли 1910 Флоти ҳарбӣ-баҳрии Канада созмон дода шуд.

***

69 сол муқаддам, 4 майи соли 1949 дар садамаи ҳавопаймоӣ ҳайати дастаи футболи «Торино»-и Италия ҳалок гардид.

 ***

4 майи соли 1993 Конститутсияи Қирғизистон қабул гардидааст.

 ИНЧУНИН ДАР ИН РӮЗ…

 Соли 1924 дар шаҳри Парижи Франсия ҳаштумин Бозиҳои тобистонаи олимпӣ ифтитоҳ гардиданд (27 июли соли 1924 ба анҷом расиданд).