ТАҚВИМИ АМИТ «ХОВАР»: Имрӯз 8 май, сешанбе, 128-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

8 майи соли 2010 дар шаҳри Москваи Федератсияи Россия Президенти Ҷумҳурии Тоҷикистон Эмомалӣ Раҳмон дар вохӯриҳои ғайрирасмии сарони давлатҳои аъзои Созмони Аҳдномаи амнияти дастаҷамъӣ ва Иттиҳоди Давлатҳои Мустақил иштирок намуданд.

***

4 сол пеш, 8 майи соли 2014 Президенти Ҷумҳурии Тоҷикистон  Эмомалӣ Раҳмон барои иштирок дар мулоқоти ғайрирасмии сарони кишварҳои Тоҷикистон, Арманистон, Беларус, Россия ва Қирғизистон ба шаҳри Москваи Федератсияи Русия сафар карданд.

***

Дар ин рӯзи соли 2015 дар робита ба таҷлили 70-солагии Ғалаба дар Ҷанги дуюми ҷаҳонӣ Президенти Ҷумҳурии Тоҷикистон Эмомалӣ Раҳмон ба унвонии роҳбарони давлатҳои узви Иттиҳоди Давлатҳои Мустақил барқияҳои табрикотӣ ирсол намуданд.

8 МАЙ ТАҶЛИЛ КАРДА МЕШАВАД:

 Рузи байналмилалии Салиби Сурх ва Ҳилоли аҳмар.

***

Рӯзи кормандони Хадамоти федералӣ оид ба ҳамкории ҳарбӣ – техникии Россия.

 РӮЙДОДҲО:

 8 майи соли 2009 дар Вазорати молияи Ҷумҳурии Тоҷикистон як зумра ҳуҷҷатҳо миёни Ҷумҳуртии Тоҷикистон ва Бонки аврупоии таҷдид ва рушд оид ба лоиҳаи «Беҳтар намудани низоми обёрии шаҳрҳои ҷанубии Тоҷикистон» ба имзо расиданд.

  ***

8 майи соли 2012  аъзои Шўрои Маҷлиси намояндагони МО ҶТ масъалаи ворид намудани тағйиру иловаҳо ба Қонуни Ҷумҳурии Тоҷикистон «Дар бораи таҳсилоти ибтидоии касбӣ»-ро баррасӣ карданд.

***

4 сол пеш, 8 майи соли 2014 дар шаҳри Душанбе миёни вазоратҳои корҳои хориҷии Тоҷикистон ва Ҳиндустон машваратҳои сиёсӣ баргузор гардиданд.

***

Дар ин рӯзи соли 2015 дар Варзишгоҳи марказии чумҳуриявии шаҳри Душанбе бозии давраи панҷуми лигаи олии Тоҷикистон оид ба футбол байни дастаҳои «Истиқлол» ва «Равшан» баргузор гардид.

***

8 майи соли 2017 дар шаҳри Душанбе бо мақсади пешгирии паҳншавӣ ва ҳифзи саломатии ҷомеа, махсусан чавонон зиёда аз 300 килограм маводи мухаддир сӯзонида шуд.

***

71 сол муқаддам, 8 майи соли 1947 Франсия аз ҳайати Фонди байналмилалии асъор баромад.

***

8 майи соли 1960 миёни Иттиҳоди Шӯравӣ ва Куба муносиботи дипломатӣ барқарор карда шуданд.

 ИНЧУНИН ДАР ИН РӮЗ…

Соли 1954 Конфедератсияи футболи Осиё таъсис дода шуд.