Вазири корҳои хориҷии Тоҷикистон насаби худро иваз намуд
ДУШАНБЕ, 23.05.2018. /АМИТ «Ховар»/. Вазири корҳои хориҷии Ҷумҳурии Тоҷикистон Сироҷидин Аслов насабашро ба тарзи миллӣ иваз кард ва акнун ному насаби ӯ Сироҷҷидин Муҳриддин мебошад. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон иттилоъ доданд.
«Вазири корҳои хориҷӣ чанд рӯз пеш номашро расман иваз намуд. Акнун дар насаби ӯ номи падараш мебошад», — зикр намуд яке аз кормандони ВКХ.
Дар ин бора дар сомонаи расмии ВКХ ҶТ низ хабар дода мешавад. Ҳамчунин номи вазир дар тарҷумаи ҳолаш низ таҳрир шудааст.
Сироҷҷидин Муҳриддин 54-сола буда, аз моҳи ноябри соли 2013 инҷониб Вазири корҳои хориҷии Ҷумҳурии Тоҷикистон мебошад. То ин дам ӯ ба ҳайси муовини аввали Вазири корҳои хориҷӣ ва ҳамоҳангсози миллии Ҷумҳурии Тоҷикистон оид ба корҳои СҲШ (2004-2005), намояндаи доимии Ҷумҳурии Тоҷикистон дар СММ (2005-2013), Сафири Фавқулода ва Мухтори Ҷумҳурии Тоҷикистон дар Ҷумҳурии Куба бо қароргоҳ дар шаҳри Ню-Йорк фаъолият кардааст.
Имрӯз дар ноҳияҳои алоҳидаи Тоҷикистон омадани сел пешгӯӣ мешавад
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
