Вохӯрии якҷояи ҳайатҳои вазоратҳои корҳои дохилии Тоҷикистон ва Ӯзбекистон дар шаҳри Тошканд
ДУШАНБЕ, 23.05.2018 /АМИТ «Ховар»/. Имрӯз дар шаҳри Тошканд дар доираи ҷаласаи навбатии Гурӯҳи кории ҳамоҳангсози Ҷумҳуриҳои Ӯзбекистон ва Тоҷикистон вохӯрии якҷояи ҳайати вазоратҳои корҳои дохилии Тоҷикистон ва Ӯзбекистон доир гардид.
Тавре аз Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, дар вохӯрии мазкур ҳайати ВКД Ҷумҳурии Тоҷикистонро Вазири корҳои дохилӣ Рамазон Раҳимзода ва сардорони як қатор раёсатҳо ва ҷузъу томҳо намояндагӣ карданд.
Ҷаласаро Вазири корҳои дохилии Ҷумҳурии Ӯзбекистон Пулод Бобоҷонов ифтитоҳ намуда, зикр кард, ки мардумони тоҷик ва ӯзбек аз қадим бо ҳам дӯсту бародари қарин буда, дорои фарҳанги бою ғании ба ҳам наздик мебошанд. Боиси хурсандист, ки ҳамкории мутақобилан судманди ду вазорат боз ҳам тақвият ёфта, дар ин замина ба натиҷаҳои назаррас ноил хоҳем гашт.
Дар навбати худ Вазири корҳои дохилии Ҷумҳурии Тоҷикистон Рамазон Раҳимзода изҳор дошт, ки мақомоти корҳои дохилии Тоҷикистон аз густариш ёфтани ҳамкории судманди дуҷониба дар самтҳои фарогир, аз ҷумла, мубориза бо ҷинояткорӣ, хатарҳои ҷаҳони имрӯз, мубодилаи таҷриба вобаста ба масъалаҳои наздисарҳадӣ қаноатманд мебошад. Дар ҷараёни вохӯрӣ нахуст ҳисоботи роҳбарони ҷузъу томҳои дахдори ҳар ду ҷониб оид ба амалисозии Созишномаҳои қаблан ба имзорасида шунида шуда, ҳамчунин сатҳи ҳамкорӣ байни мақомотҳои корҳои дохилии наздисарҳадии ду давлат ва дар самти таъмини бехатарии роҳҳо мавриди баррасӣ қарор гирифтанд.
Сафири Тоҷикистон бо намояндаи махсуси Кантслери Австрия оид ба корҳои хориҷӣ мулоқот намуд
Таҳкими ҳамкорӣ байни прокуратураҳои генералии Тоҷикистон ва Қатар баррасӣ гардид
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
Намояндаи Тоҷикистон дар Форуми 10-уми байналмилалии шарикии давлат ва бахши хусусӣ дар Барселона иштирок намуд
Сафири Тоҷикистон бо намояндаи фраксияи CDU/CSU дар Бундестаги Олмон мулоқот намуд
Ҳамкории Тоҷикистон ва Туркия дар бахши сармоягузорӣ баррасӣ гардид
Сафири Тоҷикистон бо роҳбарияти Созмони ҷаҳонии об (GWO) мулоқот намуд
Ҳамкории Тоҷикистон бо Дафтари СММ оид ба коҳиши хатари офатҳо баррасӣ гардид
Сафири Тоҷикистон бо Раиси Жогорку Кенеши Ҷумҳурии Қирғизистон мулоқот намуд
Серҷио Гор: «Доналд Трамп саҳми Президенти Тоҷикистон Эмомалӣ Раҳмонро дар таъмини субот дар Тоҷикистон ва минтақа баланд арзёбӣ менамояд»
Ҳайати Мақомоти иҷроияи ҳокимияти давлатии шаҳри Душанбе ба Подшоҳии Белгия сафар намуданд
Дар Душанбе мулоқоти вазирони корҳои хориҷии Тоҷикистон ва Сейшел баргузор гардид
