18 июн-Рӯзи умумиҷаҳонии мототсиклронҳо. Дар Тоҷикистон ин намуди варзиши техникӣ рӯ ба рушд аст
ДУШАНБЕ, 18.06.2018 /АМИТ «Ховар»/. Ҳамасола душанбеи сеюми моҳи июн Рӯзи умумиҷаҳонии мототсиклронҳо ҷашн гирифта мешавад. Ин рӯз бори аввал 22 июли 1992 таҷлил шуд ва шаҳрвандон дар ин рӯз аз истифодаи мошин даст кашида, бо мототсикл ва скутер ба кор ҳозир шуданд. Сипас аз соли 2008 санаи таҷлили он ба моҳи июн гузаронида шуд.
Бояд гуфт, ки мототсиклронӣ як намуди варзиши техникӣ ба ҳисоб рафта, имрӯз ба он таваҷҷуҳи махсус зоҳир карда мешавад. Ин далели он аст, ки Ҳукумати ҷумҳурӣ ба рушди бемайлони соҳаи варзиш диққати ҷиддӣ дода, бо мақсади боз ҳам ривоҷу равнақ ёфтани варзиш дар саросари ҷумҳурӣ ғамхорӣ зоҳир менамояд.
Тавре сардори Клуби ҷумҳуриявии варзиши техникии Ташкилоти ҷамъиятии мададгори мудофиаи Ҷумҳурии Тоҷикистон, капитан Файзулло Асомидинов ба АМИТ «Ховар» хабар дод, ҳамасола аз ҷониби ташкилоти мазкур дар машқгоҳҳои ноҳияи Рўдакӣ ва шаҳрҳои Сарбанду Турсунзода пойгаи мототсиклронӣ доир карда мешавад.
«Мушоҳидаҳо нишон медиҳанд, ки сол то сол теъдоди дастаҳои дар ин мусобиқаи ҷумҳуриявӣ ширкаткунанда афзоиш меёбад. Ҳоло варзишгарон дар мусобиқаҳои байналмилалӣ низ штирок намуда, маҳорати хуб нишон медиҳанд. Аз ҷумла, варзишгарони Клуби ҷумҳуриявии варзиши техникии ҷамъияти мудофиавии кишвар Олим Раҷабов ва Дилшод Раҷабов дар Мусобиқаи байналмилалии пойгаи мотосиклронӣ, ки дар шаҳри Теҳрон барои дарёфти Ҷоми Федератсияи мототсиклронҳои Осиё баргузор шуд, ширкат намуданд. Иштироки онҳо дар ин мусобиқаи варзишии байналхалқӣ дар ду даҳсолаи охир бори нахуст сурат гирифта, шаҳодати ба арсаҳои баланди ҷаҳонӣ роҳ ёфтани варзишгарони риштаи мототсиклронии Тоҷикистон ба шумор меравад»,- иброз дошт Файзулло Асомидинов.
Ба иловаи номбурда, Клуби ҷумҳуриявии варзиши техникӣ мототсиклҳои замонавӣ дастрас намудааст. Ҳамчунин мактаби автомобилии ноҳияи Ёвон, мактаби муттаҳидаи техникии шаҳри Турсунзода ва Клуби вилоятии варзиши техникии вилояти Хатлон низ мототсиклҳои замонавӣ харидорӣ карданд. Минбаъд дар назар аст, ки шумораи чунин воситаҳои техникии варзишии истеҳсоли муосир афзун карда мешавад.
Дар мусобиқаҳои пойгаи мототсиклронӣ созмонҳои мудофиавии шаҳрҳои Қўрғонтеппа, Душанбе, Турсунзода, Кўлоб ва ноҳияҳои Ёвон, Восеъ ва Абдураҳмони Ҷомӣ иштироки дастаҳои мунтахаби худро пайваста таъмин менамоянд.
Мототсиклронҳои варзида ва ботаҷриба маҳорати баланди варзишӣ нишон дода, бо чолокиву малакаи идора кардани воситаи нақлиёти варзишӣ миёни мухлисон маҳбубият пайдо намудаанд.
Варзишгарони то 18-сола дар мототсиклҳои иқтидорашон 125 см3 ва варзишгарони аз 18-сола боло дар мототсиклҳои иқтидорашон 250 см3, 350 см3 ва 500 см3 ҳунару маҳорати варзишӣ нишон медиҳанд.
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
