Дар Хатлон маводи зиёди доруворӣ ва ороишию гигиении муҳлатгузашта нобуд карда шуд
ДУШАНБЕ, 22.06.2018. /АМИТ «Ховар»/. Дар партовгоҳи марказии шаҳри Бохтар беш аз 9 ҳазор адад маводи доруворӣ, тиббию ороишӣ ва гигиение, ки муҳлати истифодаашон гузашта буд, бо роҳи сӯзонидан нобуд карда шуд.
Тавре аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд, аз 767 номгӯй маводи нобудшуда 502 номгӯй ё 91 ҳазору 814 ададаш дар асоси мактубҳои панҷ ширкати фармасевтӣ барои нобуд кардан ба анбори Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон супорида шуд. Аз ҷамъи умумии мавод 265 номгӯй ё 170 ададашро мутахассисони Сарраёсат ҳангоми санҷишҳои нақшавӣ аз муомилот бардоштаанд.
Маводи номбаршуда дар партовгоҳи марказии шаҳри Бохтар ба таври сӯзонидан нобуд карда шуд.
Гуфта мешавад, ки нафароне, ки ба қонуншиканӣ роҳ додаанд, аз тарафи Сарраёсат ба ҷавобгарии маъмурӣ кашида шуданд.
Ба иттилои манбаъ, мутахассисони Сарраёсат давоми 6 моҳи соли равон 100 санҷиш гузаронида, нисбат ба нафароне, ки қонунро риоя накардаанд, 1400 санади ҳуқуқвайронкунӣ тартиб дода, ба суд ирсол намуданд.
Ҳоло дар қаламрави минтақаи Бохтари вилояти Хатлон 395 дорухонаи тобеи 42 ширкати фармасевтӣ фаъолият доранд.
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
