Дар ноҳияи Сино боз як майдончаи варзишӣ ба истифода дода шуд
ДУШАНБЕ, 07.06.2018 /АМИТ «Ховар»/. Имрӯз аз ҷониби Гвардияи миллии Ҷумҳурии Тоҷикистон дар кӯчаи Раҳмон Набиеви ноҳияи Синои шаҳри Душанбе майдончаи варзишӣ ва бозии кӯдакон мавриди истифода қарор гирифт. Дар маросими ифтитоҳи он Фармондеҳи Гвардияи миллӣ, генерал-майор Бобоҷон Ҷамолзода, муовини Раиси шаҳри Душанбе Бахтиёр Назирмадзода ва раиси ноҳияи Сино Нусратулло Салимзода иштирок карданд.
Дар ин бора ба АМИТ «Ховар» сухангӯи Гвардияи миллии Ҷумҳурии Тоҷикистон Хайриниссо Назарова иттилоъ дода, зикр кард, ки ин дуюмин майдончаи варзишиву бозии кӯдакон аст, ки Гвардияи миллӣ бунёд мекунад.
«Дар партави сиёсати бунёдкорию созандагии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон ва ҷиҳати иҷрои фармоиши Ҳукумати Ҷумҳурии Тоҷикистон аз моҳи ноябри соли 2017 Гвардияи миллии Ҷумҳурии Тоҷикистон сохтмони майдончаи варзишӣ ва бозии кӯдакон дар кӯчаи Раҳмон Набиеви ноҳияи Синоро ба зимма гирифта буд, ки онро дар масоҳати умумии 1600 м кв. ва дар муддати се моҳ ба маблағи 885 870 сомонӣ, бо сифати баланд ба истифода дод. Ҳамчунин дар атрофи майдонча дарахтон ва гулу буттаҳои ороишӣ шинонда, роҳравҳои назди бинои истиқоматии ҳамшафат ҳамвор ва сангфарш карда шуд. Бо мақсади таъмини бехатарӣ майдончаи мазкур бо гӯшаи сӯхторнишонӣ ва камераҳои мушоҳидавӣ таҷҳизонида шудааст»,- иброз дошт Хайриниссо Назарова.
Ёдовар мешавем, ки бо супориши Сарвари давлат муҳтарам Эмомалӣ Раҳмон дар тамоми манотиқи ҷумҳурӣ сохтмони мандончаҳои варзишӣ идома дошта, дар назар аст танҳо дар шаҳри Душанбе бештар аз сад майдончаи варзишӣ ба истифода дода шавад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
