Дар пайи фурӯравии як қисми роҳи Душанбе-Чаноқ талафоти ҷонӣ ва моддӣ ба қайд гирифта нашудааст
ДУШАНБЕ, 2.06.2018. /АМИТ «Ховар»/. Як қисмати роҳи Душанбе-Чаноқ, шоҳроҳе, ки шимоли Тоҷикистонро бо марказ пайваст мекунад шаби гузашта фурӯ рафтааст.
Тавре сӯхангӯи филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон Далери Абдулло зимни сӯҳбат ба мухбири АМИТ «Ховар» хабар дод, ҳодисаи мазкур тахминан соатҳои 2-и субҳи имрӯз рух додааст.
Ба гуфтаи Далери Абдулло, дар ин соат дар 138-ум километри роҳи Душанбе-Чаноқ дар ҳудуди деҳаи Хушекати ноҳияи Айнӣ ҳудуди 35 метр роҳ фурӯ рафт.
Ба иттилои манбаъ кормандони ширкат дар ҷойи фурӯрафтаи роҳ феълан роҳи муваққатӣ кушодаанд.
«Новобаста аз он, ки ҳодиса шабонгоҳ рух дод, дар муддати кутоҳ қисмати техникаҳои пуриқтидор ба ин минтақа сафарбар шудаанд. Бо заҳмати кормандони ширкат аз дили кӯҳ роҳи муваққатӣ сохта шуда, ҳаракати якҷонибаи воситаҳои нақлиёт муваққатан таъмин карда шуд», — гуфт Далери Абдулло.
Сабабҳои фурӯравии як қисмати роҳи Душанбе-Чаноқ аз ҷониби масъулони ширкат дар ҳоли таҳқиқ аст.
Дар паи ҳодисаи мазкур талафоти ҷонӣ ва моддӣ ба қайд гирифта нашудааст.
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Имрӯз дар шаҳри Душанбе борони кӯтоҳмуддат меборад
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
