Дар шаҳри Кӯлоб ярмаркаи фурӯши маҳсулоти ғизоӣ баргузор гардид
КӮЛОБ, 09.06.2018 /АМИТ «Ховар»/. Бахшида ба иди Рамазон аз ҷониби Ҷамъияти саҳомии кушодаи «Суғдиён» -и шаҳри Кӯлоб ярмаркаи маҳсулоти хӯрокӣ доир гардида, дар он маҳсулоти мавриди ниёзи мардум, аз қабили орд, шакар, равған ва дигар маводи ғизоӣ бо нархи нисбат ба бозор 15% арзон ба фурӯш бароварда шуданд.
Тавре директори ҶСК «Суғдиён» Сорбон Шарипов иттилоъ дод, мақсад аз гузаронидани ярмарка ба аҳолӣ дастрас намудани маводи ғизоии арзон ва ба танзим даровардани нархи маҳсулот дар бозор мебошад.
Дар назди ҷамъият корхонаи истеҳсоли орд фаъолият мекунад. Ба иттилои манбаъ, бо дастгирии Агентии захираҳои моддии давлатии Ҷумҳурии Тоҷикистон ба корхона ду навъи гандум- маҳаллӣ ва қазоқӣ ворид карда шуд, ки айни ҳол он коркард шуда истодааст. Иқтидори корхона дар як шабонарӯз истеҳсоли 90 тонна ордро дар бар гирифта, дар як баст фаъолият менамояд. Ба корхона соле як маротиба маҳсулот аз Қазоқистон ворид карда мешавад. Инчунин хоҷагиҳои деҳқоние, ки ба ғаллакорӣ машғуланд, метавонанд ҳосили зироати худро ба корхона ворид сохта, коркард намоянд.
Истеҳсоли орди корхона ба талаботи стандартӣ ҷавобгӯй буда, ашёи хом ба таври ҳатмӣ аз ташхисгоҳ гузаронида мешавад.
Корхонаи мазкур дар ноҳияҳои Муъминобод, Ховалинг, Восеъ, Ҳамадонӣ нуқтаҳои фурӯши орд таъсис додааст, ки мизоҷон ордро бо нархи аз 115 то 130 сомонӣ дастрас менамоянд.
Дар ноҳияи Исмоили Сомонии пойтахт Рӯзи ҷавонон бо шаҳомати хосса таҷлил карда шуд
Ба ифтихори Рӯзи ҷавонон дар шаҳри Роғун бо иштироки зиёда аз 2500 нафар роҳпаймоӣ доир гардид
Дар Душанбе нишасти матбуотии Сафири Ҷумҳурии Исломии Эрон дар Тоҷикистон баргузор гардид
СИГНАХИ. Шаҳри муҳаббат ва маконе дар Гурҷистон, ки дар он ҳамеша сулҳ пойдор будааст
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар ноҳияи Синои пойтахт даври ноҳиявии озмуни ҷумҳуриявӣ баргузор шуд
Имрӯз дар баъзе ноҳияҳои Тоҷикистон борони бошиддат меборад
ҶАВОНОН-НЕРУИ СОЗАНДАИ ТОҶИКИСТОН. Дар ноҳияи Фархор Рӯзи ҷавононро таҷлил намуданд
«СОЗАНДАГОНИ ВАТАН». Дар Душанбе ҳамоиши ҷумҳуриявии ҷавонон баргузор гардид
РӮЗИ ҶАВОНОНИ ТОҶИКИСТОН. Дар майдони Парчами давлатӣ дар шаҳри Гулистон барномаи идона доир шуд
СОЛИ МАЪРИФАТИ ҲУҚУҚӢ. Дар ноҳияҳои Шаҳритус ва Носири Хусрав доир ба баланд бардоштани сатҳи маърифати ҳуқуқии аҳолӣ вохӯрӣ баргузор гардид
РӮЗИ ҶАВОНОН ТОҶИКИСТОН. Дар ноҳияи Муъминобод бахшида ба он ҳамоиши фарҳангӣ доир шуд
Дар Душанбе доир ба мафҳуми маърифати ҳуқуқӣ машварат доир шуд
