Гумрукчиёни Конибодом қочоқи маснуоти заргариро пешгирӣ карданд
ДУШАНБЕ, 08.06.2018 /АМИТ «Ховар»/. Кормандони дидбонгоҳи гумрукии «Патар»-и гумруки Конибодом ҳангоми азназаргузаронии воситаи нақлиёти сабукрави тамғаи «Опел-Астра», ки ба шаҳрванд Д.М. тааллуқ дорад, 375 адад маснуоти заргарӣ, аз қабили ангуштарин, гӯшвор, занҷира ва дастбандҳои тиллоию нуқрагӣ дарёфт ва мусодира карданд.
Тавре аз Хадамоти гумруки назди Ҳукумати Ҷумҳурии Тоҷикистон хабар доданд, шаҳрванд Д. М. мехост ин миқдор маснуоти заргариро пинҳонӣ аз назорати гумрукӣ ва тариқи қочоқ берун аз сарҳади гумрукии Ҷумҳурии Тоҷикистон ба Ҷумҳурии Ӯзбекистон интиқол диҳад.
Мувофиқи хулосаи мутахассисони филиали суғдии Маркази ҷумҳуриявии экспертизаҳои судӣ ва криминалистии Вазорати адлияи Ҷумҳурии Тоҷикистон арзиши 375 дона маснуоти заргарии аз металлҳои тилло ва нуқра сохташуда, бо вазни умумии 1 килограмму 63 грамму 94 миллиграмм аз рӯи намуд, ҳолати молӣ ва бо назардошти навъ дар маҷмӯъ 135 ҳазору 518 сомониро ташкил медиҳад.
Ба иттилои манбаъ, аз рӯи ҳолати мазкур нисбат ба шаҳрванд Д.М. бо моддаи 32 қисми 3 ва 289 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуд.
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
