ПРЕЗИДЕНТИ ПОКИСТОН МАМНУН ҲУСЕЙН ВА САРВАЗИРИ АФҒОНИСТОН АБДУЛЛО АБДУЛЛО БО САФАРИ РАСМӢ БА ТОҶИКИСТОН МЕОЯНД. Ҳафтаи оянда ташрифи меҳмонони хориҷӣ ҷиҳати иштирок дар Конфронси байналмилалии сатҳи баланд шурӯъ мешавад
ДУШАНБЕ, 14.06.2018 /АМИТ «Ховар»/. Президенти Ҷумҳурии Исломии Покистон Мамнун Ҳусейн ва Сарвазири Ҷумҳурии Исломии Афғонистон доктор Абдулло Абдулло бо сафари расмӣ ба Ҷумҳурии Тоҷикистон ташриф меоранд.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, сафари расмии Президенти Ҷумҳурии Исломии Покистон Мамнун Ҳусейн ба Ҷумҳурии Тоҷикистон 19-22 июни соли равон баргузор мешавад. Сарвазири Ҷумҳурии Исломии Афғонистон доктор Абдулло Абдулло 20 июн бо сафари расмии серӯза ба Ҷумҳурии Тоҷикистон ташриф меорад.
Президенти Ҷумҳурии Исломии Покистон Мамнун Ҳусейн ва Сарвазири Ҷумҳурии Исломии Афғонистон доктор Абдулло Абдулло ҳамчунин дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028, ки 20 июн дар шаҳри Душанбе ба кори худ оғоз мебахшад, иштирок менамоянд.
Ҳамчунин 20-22 июни соли 2018 дигар ҳайатҳои кишварҳои хориҷӣ ва созмонҳои байналмилалӣ барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 ба Душанбе меоянд.
Шароит ва имконияти таҳсил дар Коллеҷи омори шаҳри Ваҳдат беҳтар карда мешавад
ИҚТИСОДИ «САБЗ». Тоҷикистон барои амалисозии он заминаи муносиб фароҳам овард
Дар вилояти Суғд ҳаҷми истеҳсоли тухм афзоиш меёбад
Имрӯз дар шаҳри Душанбе ҳаво то 34 дараҷа гарм мешавад
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
