Шӯрои уламои Маркази исломии Тоҷикистон нашри хабарҳои беасос оид ба иди саиди Фитрро маҳкум намуд
ДУШАНБЕ, 05.06.2018 /АМИТ «Ховар»/. Рӯзҳои охир дар баъзе воситаҳои ахбори омма навиштаҳое ба назар мерасанд, ки гӯё дар таҷлили иди саиди Фитр маҳдудиятҳо ба назар мерасанд.
Шӯрои уламои Маркази исломии Тоҷикистон бо нашри як баёния дар сомонаи худ чунин хабарҳоро бебунёду беасос хондааст.
Дар баёнияи Шӯро инчунин омадааст: «Махсусан, дар чунин матлабҳо иддао мешавад, ки гӯё дар рӯзи иди Фитр дар мактабҳои мамлакат имтиҳонҳо гузаронида мешаванд. Ин дар ҳоле, ки ҳанӯз таърихи дақиқи иди саиди Фитр аз ҷониби Шӯрои уламои Маркази исломӣ эълон нагардидааст ва нашри чунин хабарҳои ғайри муътамад ҳам боварии хонандагон ба расонаҳоро коста мегардонад, ҳам нофаҳмиҳои дигарро дар ҷомеа ба миён оварда метавонад».
Шӯрои уламои Маркази исломии Тоҷикистон дар идомаи баёнияи худ нашри ҳар хабари носанҷидаи марбут ба масоили диниро маҳкум намуда, аз расонаҳои иттилоотӣ даъват ба амал овардааст, ки дар самти нашри ахбори соҳаи дин бо мақоми ваколатдор ҳамкорӣ намоянд.
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
