Табодули таҷриба миёни милитсияи Душанбе ва шаҳри Нанкини музофоти Тсзян Суи Чин
ДУШАНБЕ, 19.06.2018 /АМИТ «Ховар»/. Ҳафтаи сипаришуда сафари расмии ҳайати намояндагони милитсияи пойтахт таҳти роҳбарии сардори Раёсати Вазорати корҳои дохилӣ дар шаҳри Душанбе Шариф Назарзода ба шаҳри Нанкини музофоти Тсзян Суи Ҷумҳурии мардумии Чин сурат гирифт.
Тавре ёрдамчии сардораи РВКД дар шаҳри Душанбе Муҳсинҷон Муҳаммадӣ ба мухбири АМИТ «Ховар» хабар дод, дар доираи сафари корӣ нахуст гуфтушунид байни ҳайати намояндагон ва роҳбарони Департаменти бехатарии ҷамъиятии шаҳри Нанкини музофоти Тсзян Су ва Раёсати ВКД дар шаҳри Душанбе баргузор гардид.
Дар мулоқот ҷониби Ҷумҳурии мардумии Чинро намояндаи доимии Вазорати бехатарии ҷамъиятии Ҷумҳурии мардумии Чин дар шаҳри Нанкин Ли Мин Зи ва ҷониби Ҷумҳурии Тоҷикистонро сардори мақомоти милитсияи шаҳри Душанбе Шариф Назарзода муаррифӣ намуданд.
Дар мулоқоти корӣ масъалаи ҳамкории дуҷониба байни мақомоти милитсияи шаҳри Душанбе ва политсияи шаҳри Нанкин дар самтҳои ба роҳ мондани омӯзиши таҷрибаи ҳамдигар оид ба ҳамкорӣ ва робитаи мақомоти милитсия бо мардум, ташкили робитаҳои фарҳангӣ байни мақомоти ду кишвар, табодули таҷриба оид ба мубориза бар зидди ҷиноятҳои муташаккилона, дорои хусусияти террористиву экстримистӣ, ҳамкорӣ дар самти ҷиноятҳои кибернетикӣ, бозомӯзии кормандони милитсия ва дигар масъалаҳои вобаста ба танзим даровардани фаъолияти бонизоми милитсия мавриди баррасӣ қарор дода шуд.
Ба иттилои манбаъ, дар анҷоми гуфтушунид ва мулоқоти корӣ зикр гардид, ки аз ин пас давоми ҳар сол мулоқот ва сафарҳои расмӣ ва кории ҳайати намояндагони Департаменти бехатарии ҷамъиятии шаҳри Нанкини музофоти Тсзян Су ва Раёсати ВКД дар шаҳри Душанбе дар кишварҳои ҳамдигар ташкил карда мешавад.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
