ТУҲФА ДАР РӮЗИ ИД! Ба кӯдакону наврасони маъюби ноҳияи Рашт «Машваратгоҳи психологии тиббӣ-педагогӣ» туҳфа гардид
РАШТ, 1.06.2018 /АМИТ «Ховар»/. Имрӯз дар назди беморхонаи марказии ноҳияи Рашт бахшида ба Рӯзи байналмилалии ҳифзи кӯдакон бинои «Машваратгоҳи психологии тиббӣ-педагогӣ дар ноҳияи Рашт» ба истифода дода шуд. Дар ин бора мудири шуъбаи ҳифзи иҷтимоии аҳолии ноҳияи Рашт Нуъмоншо Исматов ба хабарнигори АМИТ «Ховар» иттилоъ дод.
Бинои мазкур дорои 8 утоқ мебошад. Он аз ҳисоби Ҳукумати Япония ва Хазинаи кӯдакони Созмони Милали Муттаҳид (ЮНИСЕФ) бо маблағи 13 ҳазор доллари амрикоӣ навсозӣ гардида, бо таҷҳизоти замонавӣ барои кӯдакони маъюб ҷиҳозонида шудааст. Инчунин тибқи иттилои масъулини беморхонаи марказӣ, дар корҳои сохтмонии бинои мазкур аз ҳисоби соҳаи тандурустии ноҳия 30 ҳазор сомонӣ ва аз ҳисоби сокинони ноҳия 90 ҳазор сомонӣ масраф гардидааст.
Маркази мазкур барои 281 нафар кӯдакону наврасони маъюби то 18-солаи ноҳия дар Рӯзи байналмилалии ҳифзи кӯдакон туҳфаи идона буда, аз ин пас мутахассисони варзидаи соҳаи тиб ва равоншиносон дар муассисаи мазкур ба кӯдакони маъюб дар сатҳи баланд ройгон хизмати тиббию равонӣ мерасонанд. Ҳамзамон ин маъюбон бо хӯроки гарм таъмин мешаванд.
Донишкадаи кӯҳию металлургии Тоҷикистон ҳамкориро бо 67 муассисаи илмӣ ва таълимии давлатҳои хориҷӣ густариш медиҳад
Имрӯз дар Душанбе ҳаво то 37 дараҷа гарм мешавад
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
