Вазорати маориф ва илм дар ноҳияи Мурғоб нахустин толори калони варзишӣ бунёд мекунад
ХОРУҒ, 16.06.2018 /АМИТ «Ховар»/. Вазорати маориф ва илми Ҷумҳурии Тоҷикистон дар маркази ноҳияи Мурғоб толори калони варзишӣ бунёд мекунад. Мудири бахши ҷавонон ва варзиши ин ноҳия Ҷонпулот Қамчибеков гуфт, ки дар назди баъзе муассисаҳои таълимӣ толорҳои хурди варзишӣ вуҷуд доштанд, аммо чунин толори васеъ, зебову барҳаво бори аввал сохта мешавад. Барои бунёди он Вазорати маориф ва илми Ҷумҳурии Тоҷикистон 1 миллиону 35 ҳазор сомонӣ ҷудо намуда, бинокорон ҳоло 90 фоизи корҳои сохтмониро ба анҷом расондаанд.
Дар шароити иқлими сарди ноҳияи Мурғоб баргузор кардани мусобиқаҳои варзишӣ дар ҳавои кушод ғайриимкон аст. Аз ин рӯ бештари мусобиқаҳо танҳо дар се моҳи фасли тобистон баргузор мегарданду халос. Баъди ба истифода додани ин толори варзишӣ ҷавонони ноҳия имкон пайдо мекунанд, ки дар чаҳор фасли сол ва ҳамарӯза ба варзиш машғул шаванд.
Дар толор на танҳо барои тамрину баргузор намудани мусобиқаҳо аз намудҳои варзишӣ, ба мисли футболи хурд, волейбол, баскетбол, тӯби дастӣ, гӯштин, тенниси рӯимизӣ шароит фароҳам аст, балки ҷавонон метавонанд дар ин ҷо ҳар гуна маҳфилҳои ҳунарию фарҳангӣ низ доир намоянд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
