Ҳайати Тоҷикистон дар ҷаласаи Шӯрои байнидавлатӣ оид ба ҳолатҳои фавқулода иштирок намуд
ДУШАНБЕ, 23.07.2018 /АМИТ «Ховар»/. Ҳайати Тоҷикистон дар ҷаласаи XXXI Шӯрои байнидавлатӣ оид ба ҳолатҳои фавқулодаи дорои хусусияти табиӣ ва техногенӣ, ки 20 июл дар Ҷумҳурии Беларус баргузор гардид, бо роҳбарии муовини аввали раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-майор Рустам Шоҳиён иштирок намуд.
Дар ин бора ба АМИТ «Ховар» котиби матбуотии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсуфӣ иттилоъ дод.
Дар ҷаласа масъалаҳои мубрами вобаста ба бартарафсозии ҳолатҳои фавқулодаи дорои хусусияти табиӣ ва техногенӣ баррасӣ карда шуданд. Ҳамчунин ҳамкории ҷонибҳо ҳамгоми сар задани чунин ҳолатҳо мувофиқа карда шуд.
Дар ҷаласа фаъолияти давоми солҳои 2017-2018 анҷомдодаи Шӯрои мазкур мавриди таҳлил қарор дода шуда, иштирокчиён пешниҳодҳои худро барои беҳтар кардани кори он манзур намуданд. Дар ҷаласа ҳамзамон нақшаи чорабиниҳое, ки давоми солҳои 2019-2020 баргузор мешаванд, қабул карда шуд.
Мувофиқа карда шуд, ки ҷаласаи навбатии Шӯрои байнидавлатӣ оид ба ҳолатҳои фавқулода дар яке аз шаҳрҳои Федератсияи Россия баргузор карда шавад.
Дар ҷаласаи мазкур ғайр аз Тоҷикистон ва кишвари мизбон- Беларус ҳамчунин намояндагони кишварҳои аъзои Шӯро – Озарбойҷон, Арманистон, Қазоқистон, Қирғизистон, Россия, Туркманистон, Ӯзбекистон ва намояндагони Кумитаи иҷроияи ИДМ иштирок карданд.
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
Дар Раёсати минтақавии гумрукӣ дар Бадахшон татбиқи Стратегияи давлатии муқовимат ба коррупсия баррасӣ шуд
Донишкадаи кӯҳию металлургии Тоҷикистон ҳамкориро бо 67 муассисаи илмӣ ва таълимии давлатҳои хориҷӣ густариш медиҳад
Имрӯз дар Душанбе ҳаво то 37 дараҷа гарм мешавад
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
