АКСИЯИ «ТОЗАГИИ МАҲАЛ»: маҳалли зисти худро тозаю озода нигоҳ дорем!
ТУРСУНЗОДА, 07.07.2018 /АМИТ «Ховар»/. Бахшида ба оғози Даҳсолаи байналмилалии амал «Об барои рушди устувор, солҳои 2018-2028» шуъбаи ҳифзи муҳити зисти шаҳри Турсунзода аз моҳи моҳи январи соли равон дар ҳудуди шаҳр аксияи «Тозагии маҳал» эълон намуд, ки он дар ҷамоатҳои шаҳраку деҳот гузаронида мешавад.
Тавре аз шуъбаи ҳифзи муҳити зисти шаҳри Турсунзода ба АМИТ «Ховар» иттилоъ доданд, аз рӯзи оғози ин аксия то ҳол 22 900 нафар сокинони шаҳри Турсунзода дар тоза намудани макони зисти худ иштирок намуда, маҳаллаҳои ҳудуди шаҳро аз 413 метри кубӣ партовҳои сахти маишӣ тоза намуданд.
Аксияи «Тозагии маҳал» дар арафаи ҷашни Истиқлолияти давлатии Ҷумҳурии Тоҷикистон ҷамъбаст гардида, ғолибон бо ифтихорнома ва туҳфаҳои хотиравӣ қадрдонӣ мешаванд.
Мақсад аз баргузор намудани ҳамоиши мазкур тоза намудани ҷойҳои бозии кӯдакону наврасон дар кӯчаю маҳаллаҳо, соҳили дарёҳо, ҷӯйбору каналҳо, сафед намудани дарахтони кӯчаҳои шаҳр ва шафати шоҳроҳи Душанбе- Турсунзода мебошад.
Бо ин амали нек кӯчаю маҳаллаҳо, ҷамоатҳои деҳот ва дар маҷмӯъ, саросари диёрамон ободу зебо гардида, амнияти тозагию беҳдошти маҳаллаҳо таъмин мегардад.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
