БАҚИЯИ ҚАРЗИ АНДОЗ МЕАФЗОЯД. Ё чаро баъзе ширкату корхонаҳои ноҳияи Восеъ бемасъулиятӣ зоҳир менамоянд?!
ВОСЕЪ, 14.07.2018 /АМИТ «Ховар»/. Яке аз сарчашмаҳои асосии буҷет сари вақт ҷамъоварӣ намудани андоз ва иҷро гардидани нақшаи қисми даромади он ба шумор меравад. Ин самт, пеш аз ҳама, аз фаъолияти корхонаву ташкилотҳо, корхонаҳои саноатӣ, хоҷагиҳои деҳқонию инфиродӣ ва дигар андозсупорандагон вобастагӣ дорад. Вале на ҳамеша ва на ҳама андозсупорандагон дар ин бора эҳсоси масъулият мекунанд. Дар ин бора – гузориши хабарнигори минтақавии АМИТ «Ховар» Сулаймони ХОЛ аз ноҳияи Восеъ.
Мутаассифона, бақияи қарзи андоз дар ноҳияи Восеъ сол аз сол дар ҳоли афзоиш қарор дорад, ки ин аз бемасъулиятӣ ва фориғболии аксар роҳбарони ташкилоту муассисаҳо дарак медиҳад.
Тавре сардори нозироти андози ноҳия Зафар Авазов ба мухбири АМИТ «Ховар» иттилоъ дод, бақияи қарзи андоз дар ноҳия то санаи 1 июни соли равон ба 7 миллиону 904 ҳазору 414 сомонӣ расида, сабаби мушкил гардидани нақшаи ҳармоҳаи ҷамъоварии андоз гардидааст. Шумораи бештари андозсупорандагонеро мисол овардан мумкин аст, ки ҳазорҳо сомонӣ аз андоз қарздоранд, аммо дар ин самт андеша намекунанд.
Имрӯз боло рафтани қарзи андоз бештар аз ҳисоби Кооперативи тиҷоратии «Бузургмеҳр», ЧДММ «Осиё-12», ҶСП «Восеъ», Кооперативи истеҳсолии «Хуҷамуъмин», ҶДММ «Азиз-1» Кооперативи тиҷоратии «Бахт-82», ҶДММ «Баракат», Кооперативи тиҷоратии «Ҳулбук», ҶДММ «Хутал» ва дигар ширкатҳои бонуфузе мебошад, ки онҳо метавонанд аз ҳисоби истеҳсолоти корхонаҳо ва даромади заминҳои кишоварзӣ нақшаи андозро барзиёд иҷро намоянд.
Аммо, баръакси ҳол, бақияи қарзи андоз аз ин ҷамъиятҳо аз 100 то 500 ҳазор сомониро ташкил медиҳад. Гуфта мешавад, ки дар ин самт чандин маротиба аз ҷониби масъулини нозироти андоз ба роҳбарияти ҷамъиятҳо огоҳнома ирсол гардид, вале мутаассифона, дигаргуние дида нашуд.
Манбаъ афзуд, ки дар ҳолати сари вақт пардохт накардани бақияи қарзи андоз онҳо рӯзҳои наздик ба мақомоти ҳифзи ҳуқуқ муроҷиат мекунанд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
