БОЗРАСИИ ДАВЛАТИИ АВТОМОБИЛӢ: музоядаи навбатӣ бо аломатҳои қайди давлатии 0808, 0505, 9090 баргузор мешавад

ДУШАНБЕ, 17.07.2018 /АМИТ «Ховар»/. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ба таваҷҷуҳи соҳибони воситаҳои нақлиёт мерасонад, ки 28 июли соли равон аломатҳои қайди давлатии силсилаҳои «НР» — 01, «DO» — 08 ва «DD» — 07 ба таври музояда ба фурӯш монда мешаванд.

Тавре аз Вазорати корҳои дохилӣ хабар доданд, музояда соати 10:00 дар толори Раёсати Бозрасии давлатии автомобилӣ гузаронида мешавад. Нархи як лот 630 сомониро ташкил медиҳад.

Ба иттилои манбаъ, маълумоти муфассал оид ба гузаронидани музояда метавонед тавассути телефонҳои 235-79-29 ва 236-09-34 дастрас намоед.