Дар Донишкадаи давлатии фарҳанг ва санъати Тоҷикистон факултети санъати мусиқии мардумӣ таъсис дода шуд
ДУШАНБЕ, 27.07.2018. /АМИТ «Ховар»/. Дар доираи татбиқи Соли рушди сайёҳӣ ва ҳунарҳои мардумӣ дар Донишкадаи давлатии фарҳанг ва санъати Тоҷикистон ба номи Мирзо Турсунзода факултети санъати мусиқии мардумӣ таъсис дода шуд. Дар ин бора имрӯз Ректори Донишкада Хайриддин Идиев зимни нишасти матбуотӣ ба хабарнигорон иттилоъ дод.
«Бо мақсади беҳтар намудани сатҳу сифати таълим ва тибқи талаботи меъёрӣ ба роҳ мондани низоми таълим дар Донишкада сохтори нав таҳия ва аз ҷониби Вазорати фарҳанги Ҷумҳурии Тоҷикистон тасдиқ гардидааст. Тибқи ин, сохтор якчанд кафедраи нав, аз қабили бойгоншиносӣ, технологияи телевизион, педагогика ва низоми итилоотӣ дар фарҳанг таъсис дода шудааст. Барои татбиқ намудани низоми фосилавӣ дар Донишкада Маркази таҳсилоти фосилавӣ таъсис дода шуда, он бо воситаҳои техникии муосир пурра таъмин шудааст»,- гуфт ректори Донишкада.
Ба иловаи номбурда, имрӯз талабот ба хатмкунандагони Донишкадаи давлатии фарҳанг ва санъати Тоҷикистон зиёд гардидааст. Соли равон 439 донишҷӯ Донишкадаро хатм намуда, аксарияти онҳо тариқи роҳхат ба кор ҷалб карда шудаанд.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
