Дар Кӯшониён ба ҳунари занони чевар ва самараи баланди меҳнати ҷавонони кишоварз баҳои баланд доданд
ДУШАНБЕ, 14.07.2018 /АМИТ «Ховар»/. Кормандони Кумитаи иҷроияи Ҳизби Халқии Демократии Тоҷикистон дар ноҳияи Кӯшониён дар Соли рушди сайёҳӣ ва ҳунарҳои мардумӣ дар ҳамаи деҳаву маҳаллаҳои ҳудуди ноҳия бо сокинон вохӯрӣ баргузор намуда, аҳли ҷомеаро ба созандагиву бунёдкорӣ ва ҳифзи фарҳангу асолати миллӣ даъват мекунанд.
Дар ин росто, дирӯз бо иштироки мудири шуъбаи таблиғот, иттилоот ва таҳлили Кумитаи иҷроияи Ҳизби Халқии Демократии Тоҷикистон дар вилояти Хатлон Орзу Ҳамидиён, раиси Кумитаи иҷроияи ҲХДТ дар ноҳияи Кӯшониён Мунаввара Сатторова, намояндаи прокурутураи ноҳия Парвиз Пирзода бо сокинони деҳаҳои Сарипул, Сариҳавз ва Рӯдакӣ мулоқот баргузор шуд.
Тавре аз Кумитаи иҷроияи Ҳизби Халқии Демократии Тоҷикистон дар вилояти Хатлон хабар доданд, зимни вохӯрӣ иштирокчиён ҳамзамон аз намоиши ҳунарҳои мардумӣ ва маҳсулоти кишоварзии сокинони деҳа дидан намуда, ба ҳунари дасти занони чевар ва самараи баланди меҳнати ҷавонони кишоварз баҳои баланд доданд.
Тавре зикр гардид, ҳунарҳои мардумӣ ва кишоварзӣ манбаи муҳими ба даст овардани даромад ва ҷойи кори доимӣ ба ҳисоб рафта, метавонанд ба рушду нумуи иқтисодиву иҷтимоӣ мусоидат намоянд.
23 июл дар Донишгоҳи давлатии тиббӣ ва Донишгоҳи давлатии омӯзгорӣ нишасти матбуотӣ баргузор мегардад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
