Дар ноҳияи Айнӣ миёни маъюбон мусобиқаи варзишӣ доир гардид
ДУШАНБЕ, 09.07.2018 /АМИТ «Ховар»/. Намояндагии Ассотсиатсияи КАРИТАС-и Германия дар Тоҷикистон 8 июл дар ҳамкорӣ бо Мақомоти иҷроияи ҳокимияти давлатии ноҳияи Айнӣ ва ташкилотҳои ҷамъиятии «АЗИТ» ва «ДАРО» бахшида ба Рӯзи маъюбон ва пиронсолон байни дастаҳои маъюбони шаҳри Душанбе ва вилояти Суғд мусобиқаи баскетбол гузаронид. Дар ин хусус ба АМИТ «Ховар» намояндаи ташкилоти «КАРИТАС» –и Германия дар Тоҷикистон Самаридин Баҳриддинов иттилоъ дод.
Муовини раиси ноҳияи Айнӣ Гулсара Зокирзода дар маросими ифтитоҳи мусобиқаи варзишӣ зикр кард, ки беҳдошти вазъи иҷтимоии маъюбон ва пиронсолон доимо дар маркази таваҷҷуҳи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад.
Иҷрокунандаи вазифаи намояндаи ташкилоти «КАРИТАС» Заринамо Мухторова иброз дошт, ки ҳадафи мусобиқаи варзишӣ тарғибу ташвиқи варзиш дар байни маъюбон дар ноҳияи Айнӣ ва ҷалби онҳо ба намудҳои гуногуни варзиш мебошад. Вай гуфт, ки «мусобиқаи мазкур бори дигар аз он шаҳодат медиҳад, ки шахсони маъюб ба ҳама кор қодиранд ва метавонанд қобилияти худро тақвият дода, дар тамоми соҳаҳо, бахусус дар бахши варзиш номбардори миллату ватани худ бошанд».
Ҳамзамон раиси Федератсияи варзишгарони маъюби шаҳри Душанбе Абдурауф Олимов, қаҳрамони 12-каратаи Осиё ва қаҳрамони ҷаҳон аз рӯи намуди дастхобонӣ миёни маъюбон, устоди варзиши дараҷаи байналмилалӣ Акмал Қодиров ва роҳбари Клуби баскетболи маъюбони шаҳри Душанбе Ғайрат Тухтасунов дар бораи қобилиятҳои шахсони маъюб барои намудҳои гуногуни варзиш сухан карданд.
Онҳо маъюбони ноҳияи Айниро даъват намуданд, ки ба ягон намуди варзиш машғул шаванд, зеро варзиш барои ташаккули тарзи ҳаёти солим хеле муҳим аст. Акмал Қодиров қоидаҳои асосии дастхобониро нишон дода, ба маъюбони ноҳияи Айнӣ мизи дастхобонӣ туҳфа кард.
Дар мусобиқаи баскетбол бо аробачаи маъюбӣ дастаҳои шаҳри Душанбе ва вилояти Суғд ширкат намуданд.
Баскетболбозони ҳар ду даста аз худ маҳорати баланди касбӣ нишон дода, иштирокчиёни фаъол бо ифтихорномаҳо сарфароз гардиданд.
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
