Хатмкунандагони Донишкадаи олии сарҳадӣ барои ҳимояи марзу буми Тоҷикистон сина сипар мекунанд
ДУШАНБЕ, 05.07.2018 /АМИТ «Ховар»/. Имрӯз маросими супурдани дипломҳо ба зиёда аз 120 нафар хатмкунандагони Донишкадаи олии сарҳадии Кумитаи давлатии амнияти миллии Ҷумҳурии Тоҷикистон баргузор гардид. Дар ин бора ба АМИТ «Ховар» сардори маркази матбуоти Қӯшунҳои сарҳадии КДАМ ҶТ Муҳаммад Улуғхоҷаев иттлоъ дод.
Ба иттилои манбаъ, дар маросими супоридани дипломҳо роҳбарияти КДАМ ҶТ, Фармондеҳи Қӯшунҳои сарҳадӣ, намояндагони гурӯҳи ҳамкории сарҳадии Хадамоти федералии бехатарии Федератсияи Россия дар Тоҷикистон, раиси Шӯрои собиқадорони қӯшунҳои сарҳадии Тоҷикистон, устодону омӯзгорони Донишкадаи олии сарҳадӣ ва падару модарони афсарони ҷавон иштирок намуданд.
Дар ҷамъомад ба 120 нафар хатмкунандагони Донишкадаи олии сарҳадӣ дар баробари диплом аввалин рутбаи ҳарбии афсарӣ – лейтенант дода шуд. Пас аз ин хатмкунандагони Донишкада баҳри дифои сарҳади давлатӣ ба ҳамаи минтақаҳои Тоҷикистон фиристода мешаванд.
«Курсантони Донишкадаи олии сарҳадӣ ҷавобан ба ғамхориҳои Асосгузори сулҳу ваҳдати миллӣ, Пешвои миллат, Сарфармондеҳи Олии Қувваҳои мусаллаҳ, Президенти Ҷумҳурии Тоҷикистон омодаанд баҳри ҳифз ва ҳимояи марзу буми Тоҷикистон сина сипар намуда, арзишҳои миллӣ ва муқаддасоти давлатии кишвари хешро пос доранд»,-зикр намуд М. Улуғхоҷаев.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
