Хонандагони тоҷик дар Олимпиадаи байналмилалӣ аз фанни математика- «IMC-2018» сазовори 15 медал гардиданд
ДУШАНБЕ, 09.07.2018 /АМИТ «Ховар»/. Ғолибони Олимпиадаи байналмилалӣ аз фанни математика- «IMC-2018», ки аз 1 то 6-уми июл дар шаҳри Бургаси Ҷумҳурии Булғория баргузор гардид, ба ватан баргаштанд.
Дар ин бора ба мухбири АМИТ «Ховар» аз Вазорати маориф ва илми Ҷумҳурии Тоҷикистон хабар доданд. Дар олимпиадаи мазкур 612 нафар хонанда аз 35 давлати дунё ширкат намуданд, ки дар он Ҷумҳурии Тоҷикистонро 4 даста (24 нафар) муаррифӣ намуданд.
Бино ба иттилои манбаъ, дар ҷамъбасти олимпиада хонандагони тоҷик сазовори 15 медал, аз ҷумла, 2 медали тилло, 6 медали нуқра ва 7 медали биринҷӣ гардиданд.
Ҳамзамон 1 даста аз Ҷумҳурии Тоҷикистон сазовори мақоми аввал, 1 даста сазовори мақоми дуюм ва 1 дастаи дигар сазовори мақоми сеюм гардида, шараф ва Парчами Тоҷикистонро дар арсаи байналмилалӣ баланд бардоштанд.
Бояд ёдовар шуд, ки хонандагони кишвар аз аввали соли 2018 дар 13 олимпиадаи байналмилалӣ, ки дар давлатҳои Қазоқистон, Ҳиндустон, Руминия, Россия, Малайзия, Булғория, Беларус, Ветнам, Италия, Тоҷикистон ва Иёлоти Муттаҳидаи Америка баргузор гардиданд, фаъолона иштирок намуда, сазовори 196 медал, аз ҷумла, 47 медали тилло, 71 медали нуқра, 78 медали биринҷӣ гардиданд.
Ин шумора нисбат ба ҳамин давраи соли гузашта 103 медал (33 медали тилло, 36 медали нуқра, 34 медали биринҷӣ) зиёд мебошад.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
