Истеҳсоли неруи барқ дар Тоҷикистон зиёда аз 9 млрд кВт/соатро ташкил дод
ДУШАНБЕ, 16.07.2018 /АМИТ «Ховар»/. Ба иттилои Вазири энергетика ва захираҳои оби Ҷумҳурии Тоҷикистон Усмоналӣ Усмонзода, дар шашмоҳаи якуми соли равон дар ҷумҳурӣ 9 млрд. 517,9 млн. кВт соат неруи барқ бо дарназардошти неругоҳҳои хурд истеҳсол гардид, ки ин нисбат ба шашмоҳаи якуми соли гузашта 351,5 млн. кВт соат зиёд мебошад.
Усмоналӣ Усмонзода инчунин иброз намуд, ки вобаста ба иҷрои қарори Ҳукумати Ҷумҳурии Тоҷикистон “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2017-2018” дар Вазорат нақшаи дохилисоҳавӣ тасдиқ ва ба тасвиб расонида шуда, ҷиҳати таъмини иҷрои корҳои омодагӣ дар иншооти энергетикӣ Ситоди фаврӣ таъсис дода шуд.
“Ситоди фаврӣ ҳар моҳ ҳисоботи роҳбарони корхонаҳои зертобеъ ва соҳавиро оид ба омодагӣ ба мавсим мавриди баррасӣ ва таҳлил қарор дода, иҷрои чорабиниҳои нақшавиро таъмин менамояд. Ҷараёни иҷрои бандҳои дахлдори қарори мазкур таҳти назорати доимии Вазорат қарор дошта, корҳои пайвастшавӣ ва тармимӣ дар биноҳо ва дохили биноҳои шаҳракҳо айни замон идома доранд”,-афзуд У.Усмонзода.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
