Кормандони милитсия дар Душанбе занеро аз ғарқшавӣ наҷот доданд
ДУШАНБЕ, 11.07.2018 /АМИТ «Ховар»/. Кормандони Баталиёни хизмати дидбонию пайраҳадории милитсияи Раёсати Вазорати корҳои дохилӣ дар шаҳри Душанбе ҳангоми иҷрои вазифа зани 33-солаи сокини ноҳияи Варзобро, ки қасди худкушӣ дошт, аз ғарқшавӣ наҷот доданд.
Тавре ба мухбири АМИТ «Ховар» аз Раёсати мазкур хабар доданд, шаби 9 июли соли равон, тақрибан соати 01:15, зани 33-солаи сокини Ҷамоати деҳоти Чорбоғи ноҳияи Варзоб, ки соҳиби се фарзанд мебошад, бо мақсади худкушӣ аз болои пули кӯчаи Соҳилии шаҳри Душанбе, воқеъ дар наздикии бозори Султони Кабир худро ба дарёи Душанбе партофт.
Дар ин вақт дар кӯчаи мазкур корманди Баталиёни хизмати дидбонию пайраҳадории милитсияи Раёсати ВКД дар шаҳри Душанбе сержанти милитсия Далерҷон Неъматуллоев бо ду нафар сарбозони қисми низомии №5453-и Раёсати қӯшунҳои дохилии Вазорати корҳои дохилӣ Саъдӣ Мирзошоев ва Насим Шерхонов пайи адои вазифаҳои хизматӣ қарор доштанд. Онҳо бо дидани ҳолати ғарқшавӣ дарҳол занро наҷот доданд.
Ин кормандони милитсия бо далерию шуҷоатмандӣ тавонистанд як нафар модарро аз худкушӣ наҷот дода, ба ӯ ҳаёти дубора бахшанд.
Корнамоии ин корманди милитсия ва сарбозон барои ҳамагон дарси ибрат ва мояи ифтихор мебошад.
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
