Назар Одиназода: «Афзоиши нархи сӯзишворӣ ба болоравии қимати он дар ҷаҳон вобаста аст»
ДУШАНБЕ, 18.07.2018 /АМИТ «Ховар»/. Афзоиши нархи сӯзишворӣ дар Тоҷикистон сунъӣ набуда, омилҳои берунӣ дорад. Сабаби асосии болоравии нархи сӯзишворӣ дар Тоҷикистон ба афзоиши қимати он дар ҷаҳон, махсусан Россия ва Қазоқистон вобаста аст. Бинобар сабаби боло рафтани нархи нафт дар биржаи Санкт-Петербург нархи сӯзишворӣ дар Тоҷикистон низ афзоиш ёфтааст.
Дар ин бора Назар Одиназода, муовини аввали раиси Хадамоти зиддиинҳисории назди Ҳукумати Ҷумҳурии Тоҷикистон 18 июл зимни нишасти матбуотӣ иттилоъ дода, илова намуд, ки нархи маводи сӯхт дар Тоҷикистон ба арзиши нафту газ дар бозорҳои ҷаҳонӣ вобаста аст. Ҳар гоҳ қиматҳо дар ин бозорҳо тағйир ёфтанд, дар Тоҷикистон ҳам қимати газу бензин болову поин меравад. Ҳамчунин афзоиши харҷи роҳ барои интиқоли маводи нафтӣ ва гази моеъ дар болоравии нархи ин маҳсулот таъсири худро расонидаанд.
«Мо наметавонем ширкатҳои воридкунандаи маҳсулоти нафтиро маҷбур кунем, ки маҳсулотро аз нархи воридотӣ арзон фурӯшанд. Низоми иқтисоди мо бозаргонӣ аст ва мақсади ширкатҳои воридкунандаи маҳсулоти нафтӣ гирифтани фоида аст. Онҳо низ наметавонанд бар зарари худ фаъолият кунанд»,-иброз намуд Назар Одиназода.
Дар шаш моҳи аввали соли равон ба Тоҷикистон бештар аз 217 ҳазор тонна маҳсулоти нафтӣ ва 180 ҳазор тонна гази моеъ ворид гардидааст. Айни замон як литр бензини навъи А92 дар нуқтаҳои фурӯши сӯзишвории шаҳри Душанбе 7 сомониву 50-60 дирам нарх дорад. Як литр гази моеъ аз 4.70 то 4.80 сомониро ташкил медиҳад.
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
