Паҳлавонони тоҷик барои иштирок дар Ҷоми Осиё ба Ҳонконг сафар карданд

ДУШАНБЕ,11.07.2018 /АМИТ «Ховар»/. Дастаи мунтахаби Тоҷикистон оид ба дзюдо миёни наврасон ва ҷавонон дар ҳайати ҳафт нафар ҷиҳати иштирок дар Ҷоми Осиё ба шаҳри Ҳонконг сафар кард.

Тавре котиби генералии Федератсияи дзюдои Тоҷикистон Шамсия Саидова  ба хабарнигори АМИТ «Ховар» иттилоъ дод, рӯзҳои 13-15 июл дар  шаҳри  Ҳонконг  Ҷоми Осиё оид ба дзюдо миёни наврасон ва ҷавонон баргузор мешавад. Дар мусобиқа миёни наврасон 133 варзишгар (84 писар, 49 духтар) аз 27 давлати қора иштирок мекунанд. Ҷумҳурии Тоҷикистонро дар ин мусобиқа  4 нафар варзишгар: Сулаймони Ҷамшед  дар вазни -60 кг, Ғаниҷон Ғаниев дар вазни -73 кг, Фаридун  Холиқов дар вазни -81 кг ва Эмомризо Қурбонов дар вазни  -90 кг намояндагӣ мекунанд

Ёдовар мешавем, ки  варзишгарони наврас барои ба даст овардани роҳхат ба Бозиҳои тобистонаи олимпӣ, ки моҳи октябри имсол дар шаҳри Буэнос-Айреси Аргентина доир мешавад, соҳиби имтиёз мегарданд.