Роҳбарияти Прокуратураи генералӣ, кумитаҳои бехатарии озуқаворӣ, рушди маҳал ва ҳифзи муҳити зист нишасти матбуотӣ баргузор менамоянд

ДУШАНБЕ, 16.07.2018. /АМИТ «Ховар»/. Пагоҳ, 17 июли соли 2018  оид ба ҷамъбасти  фаъолият дар шаш моҳи аввали соли 2018 мутобиқи Амри Президенти Ҷумҳурии Тоҷикистон аз 15 сентябри соли 2011 Прокуратураи генералӣ, Кумитаи бехатарии озуқаворӣ, Кумитаи рушди маҳал ва Кумитаи ҳифзи муҳити зист нишасти матбуотӣ баргузор менамоянд.

Роҳбарони вазорату идораҳо ва ташкилоту муассисаҳо аз натиҷаҳои фаъолият дар нимаи якуми соли ҷорӣ маълумоти муфассал пешниҳод намуда, оид ба бурду бохти соҳа, муваффақият ва мушкилоти ҷойдошта, роҳҳои бартараф кардани онҳо мулоҳизоти худро изҳор мекунанд ва ба саволҳои намояндагони воситаҳои ахбори омма ҷавоб мегӯянд.

Нишасти матбуотии Прокуратураи генералии Ҷумҳурии Тоҷикистон соати 10 дар толори бинои Прокуратураи генералӣ, нишасти матбуотии Кумитаи рушди маҳал соати 11 дар толори Маркази матбуоти ҷумҳуриявии «Ховар», нишасти матбуотии Кумитаи ҳифзи муҳити зист соати 11 дар бинои Кумитаи мазкур, нишасти матбуотии Кумитаи бехатарии озуқаворӣ соати 14 дар толори ММҶ «Ховар» гузаронида мешаванд.

Хотиррасон мекунем, ки тибқи дастури Дастгоҳи иҷроияи Президенти Ҷумҳурии Тоҷикистон масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуотӣ гузаронидани онҳо мувофиқа мекунанд (хиёбони Рӯдакӣ, 40, ошёнаи 2, телефонҳои 918-21-52-04, 93 -512-12-88, 221-30-15).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.