Саридораи геология барои ҳисоби захираи конҳо аз таҷрибаи Австралия истифода мекунад

ДУШАНБЕ, 18.07.2018 /АМИТ «Ховар»/. Саридораи геологияи назди Ҳукумати Ҷумҳурии Тоҷикистон ҷиҳати ҳисоб намудани захираи конҳои фоиданоки ҷумҳурӣ омӯзиши барномаи «Макромайн»-ро ба роҳ мондааст.

Ба иттилои муовини аввали Сардори Саридораи геология Раҳмонбек Бахтдавлатов, вазифаи геологҳо — ин кашф кардани конҳост. Саридораи геологияи ҷумҳурӣ кӯшиш дорад он усулҳои муосиреро, ки айни ҳол дар ҷаҳон баҳри кашфи конҳо мавҷуданд, дар амал ҷорӣ намояд. Барномаи «Макромайн», ки барои ҳисоб кардани захираҳои конҳои фоиданок дар Австралия тарҳрезӣ шудааст, аллакай барои ҷорӣ кардани ин барнома дар Тоҷикистон корҳоро ба анҷом расонида истодааст.

Ба гуфтаи Раҳмонбек Бахтдавлатов, ҳамаи сохторҳои геология бо таҷҳизоти муосир ҷиҳозонида шуда, дар ин самт ягона мушкилие, ки вуҷуд дорад, набудани озмоишгоҳ аст, ки сари он кор бурда истодаанд. «Айни замон мо намунаҳои зиёдеро барои ташхис ба хориҷи кишвар равон мекунем. Дар натиҷаи насби озмоишгоҳи ба стандарти ҷаҳонӣ ҷавобгӯ дар Тоҷикистон мо метавонем ин мушкилиро ҳал созем. Агар ин мушкилӣ рӯзҳои наздик ҳал шавад, аллакай ба ин васила ба муваффақиятҳои боз ҳам бештар ноил мегардем»,-зикр намуд ӯ.

Зикр карда шуд, ки Саридораи геологияи назди Ҳукумати Ҷумҳурии Тоҷикистон соли равон танҳо ба як ширкат — Ҷамъияти дорои масъулияти маҳдуди «Авесто Одина» барои ҳуқуқи гузаронидани корҳои омӯзиши геологӣ дар Даштакони ноҳияи Ховалинг иҷозатнома дода, бо 24 ширкат барои истфодаи қари замин қарордод бастааст.