САЁҲАТ БО ҲАВОПАЙМОҲОИ ИСТЕҲСОЛИ ТОҶИКИСТОН. Дар Суғд корҳои эҷодиву навоварии наврасону ҷавонон вусъат меёбанд
ДУШАНБЕ, 16.07.2018 /АМИТ «Ховар»/. Шогирдони бахши авиамодели Маркази таҳсилоти иловагии вилояти Суғд Абдулатиф Ҳакимов, Дилшод Назаров ва Ҷамшед Назиров ҳамроҳ бо устодашон Ҷалол Раҳимов ангораи ҳавопаймои тамғаи ДБАА ЧД-01 «Сомон»-ро муаррифӣ намуданд.
Чанде пеш ҳайати мутахассисони Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон ҷиҳати ҷалби наврасону ҷавонон ба Озмуни ҷумҳуриявии «Навоварон ва ихтироъкорони наврас ва ҷавон» зери унвони «Ҷавонон- созандагони ватан», ки 2 апрел оғоз ёфта, то 28 сентябри соли равон идома меёбад, ба шаҳру ноҳияҳои тобеи марказ, вилоятҳои Суғд ва Хатлон сафарбар гардид.
Тавре ба АМИТ «Ховар» аз ин Вазорат хабар доданд, гуруҳӣ корӣ зимни сафар дар вилояти Суғд аз Маркази таҳсилоти иловагии вилоят дидан намуд.
Роҳбари Марказ Фирдавс Ашурмадов дар вохӯрӣ иброз намуд, ки дар вилояти Суғд 28 адад маркази таҳсилоти иловагӣ дар 18 шаҳру ноҳия арзи вуҷуд доранд ва зиёда аз 1000 нафар наврасону ҷавонон аъзои чунин марказҳо мебошанд.
«Мо боварӣ дорем, ки оянда аз чунин шогирдон ихтироъкорони бузург тавлид меёбанд ва мо тавассути тайёраҳои истеҳсоли Тоҷикистон саёҳат хоҳем кард»,-иброз дошт А.Фирдавс.
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
