Се нафар шаҳрвандони ноболиғи Ҷумҳурии Тоҷикистон аз Россия ба Ватан бозгардонида шуданд

ДУШАНБЕ, 28.07.2018 /АМИТ «Ховар»/. 27 июл бо мусоидати Сафорати Ҷумҳурии Тоҷикистон дар Федератсияи Россия се нафар шаҳрвандони ноболиғи Ҷумҳурии Тоҷикистон А.М.Ғ. (с.т. 01.11.2017), М.Я.Д. (с.т. 09.02.2018) ва Ш.А.Х. (с.т. 07.02.2015) тавассути Ширкати ҳавопаймоии «Тоҷик-Эйр» бо хатсайри Москва-Душанбе ба Ватан баргардонида шуданд.

Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, шаҳрвандони ноболиғи мазкур, ки дар нигоҳубини Мақомоти васоят ва парастории Федератсияи Россия қарор доштанд, ба намояндагони расмии Сафорати Ҷумҳурии Тоҷикистон супорида шуданд.

Ба иттилои манбаъ, аз ҷониби Сафорат ҳуҷҷатгузорӣ ва дигар чораҳои зарурӣ ҷиҳати таҳвили минбаъдаи кӯдакон ба Ватан фаврӣ анҷом дода шуд.

Мавриди зикр аст, ки Сафорати Тоҷикистон дар Россия ҷиҳати ҳифзи ҳуқуқу манфиатҳои шаҳрвандони ноболиғи Ҷумҳурии Тоҷикистон  ва баргардонидани онҳо ба Ватан мунтазам чораҳои муассир меандешад.