Шермуҳаммад Шоҳиён: «Воридшавии парвандаҳо ба судҳои ҷумҳурӣ кам гардидааст»
ДУШАНБЕ, 23.07.2018 /АМИТ «Ховар»/. Дар нимсолаи аввали соли 2018 аз ҷониби судҳои Тоҷикистон бештар аз 74 ҳазор парванда баррасӣ карда шудаанд, ки ин нисбат ба ҳамин давраи соли гузашта камтар аст.
Дар ин бора раиси Суди Олӣ Шермуҳаммад Шоҳиён 23 июли соли 2018 зимни нишасти матбуотӣ иттилоъ дод. Дар ин муддат ба марҳилаи якуми Суди Олӣ, судҳои вилоятӣ ва шаҳру ноҳияҳо дар маҷмӯъ 74 ҳазору 749 адад парвандаҳо ворид гардидаанд, ки нисбат ба ҳамин давраи соли гузашта 2895 адад кам мебошанд.
Аз шумораи парвандаҳои баррасигардида 7518 ададро парвандаҳои гражданӣ, 20 211 ададро парвандаҳои оилавӣ, 5530 ададро парвандаҳои ҷиноятӣ, 28 144 ададро парвандаҳои маъмурӣ ва 5267 ададро дархосту пешниҳодҳои мақомот ташкил медиҳанд.
Дар маҷмӯъ, аз ҷониби судҳои ҷумҳурӣ доир ба парвандаҳои судӣ ба фоидаи давлат ба маблағи умумии беш аз 31 миллион сомонӣ ва қариб 25 ҳазор доллари ИМА зарари ба давлат расонидашуда, ҷарима, боҷи давлатӣ ва дигар пардохтҳо рӯёнида шуданд.
Пас аз ҷамъбасти фаъолияти мақомоти судӣ дар шаш моҳи соли равон маълум гардид, ки дар ин давра баъзе судяҳо ба вайронкунии муҳлати баррасии парвандаҳо роҳ доданд. Инчунин баъзе қарорҳои ғайриқонунӣ қабулшуда аз тарафи судҳои болоӣ бекор карда шуданд. Барои ислоҳи камбудиҳои ҷойдошта дар шашмоҳаи дуюми соли равон татбиқи як зумра корҳо дар назар аст.
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
