ТАЪТИЛИ ТОБИСТОНАИ МАКТАБИЁН: дар истироҳатгоҳи «Дурахшон» 260 нафар кӯдакону наврасон ба фароғат машғуланд
ФАЙЗОБОД, 11.07.2018. /АМИТ «Ховар»/. Дар ноҳияи Файзобод истироҳатгоҳи берун аз ноҳиявии «Дурахшон» амал менамояд, ки дар ду басти он 260 нафар хонандагон ба истироҳати тобистона фаро гирифта мешаванд.
Ҳоло дар истироҳатгоҳ кӯдакону наврасонро ба даври дуюм қабул доранд. Дар мадди аввал ятимону нимятимон ба фароғат фаро гирифта мешаванд.
Тибқи иттилои раиси Кумитаи иттифоқи касабаи кормандони маорифи ноҳияи Файзобод Зуҳро Ғаффорова, барои истироҳати бофароғати кӯдакону наврасон дар истироҳатгоҳи «Дурахшон» аз ҳисоби буҷаи мақомоти иҷроияи ҳокимияти давлатии ноҳияи Файзобод 93 ҳазору 660 сомонӣ ҷудо гардидааст.
Дар истироҳатгоҳи мазкур кӯдакону наврасон аз рӯи барномаи шуъбаи маорифи ноҳия ба машғулиятҳои варзишию фарҳангӣ ва сайёҳӣ фаро гирифта шуда, бо чор вақт хӯрок таъмин мешаванд.
Масъулини идораи маорифи ноҳияи Файзобод дар асоси Қарори Ҳукумати Ҷумҳурии Тоҷикистон «Дар бораи ташкили истироҳати тобистонаи кӯдакон ва наврасон дар соли 2018» дар назди муассисаҳои таълимӣ бо иштироки 1000 нафар кӯдак лагерҳои солимгардонӣ ташкил намудаанд, ки то охири мавсим 1600 нафар наврасон дар ҳамаи шаклҳои истироҳатгоҳҳо ба фароғати тобистона фаро гирифта мешаванд.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
