Тоҷикистон дар Самарқанд мактаб ва дар вилояти Фарғона кӯдакистон месозад
ДУШАНБЕ, 20.07.2018 /АМИТ «Ховар»/. Аз ҷониби роҳбарияти Ҷумҳурии Тоҷикистон ва Ҷумҳурии Ӯзбекистон вобаста ба сохтмони муассисаҳои таълимӣ дар ҳарду кишвар иқдом гирифта шуд, ки айни ҳол шартномаи он дар арафаи имзошавӣ қарор дорад.
Тибқи ин иқдом, бояд аз ҷониби кишвари мо ду муассиса, яъне як мактаб дар вилояти Самарқанд ва як кӯдакистон дар вилояти Фарғона сохта шаванд. Ҳамзамон як мактаб дар ноҳияи Спитамен ва як маркази тиббӣ дар ноҳияи Қубодиён вилояти Хатлон аз ҷониби Ҷумҳурии Ӯзбекистон ба истифода дода мешаванд.
Ин матлабро имрӯз зимни нишасти матбуотӣ муовини аввали Вазири маориф ва илми Ҷумҳурии Тоҷикистон Раҳматулло Мирбобоев баён намуд.
Зикр шуд, ки барои таъмин ва омода намудани китобҳои дарсӣ барои муассисаҳое, ки дар он таълим бо забони ӯзбекӣ ба роҳ монда шудааст, дар Вазорати маориф ва илми Ҷумҳурии Тоҷикистон гурӯҳи алоҳида фаъолият дорад.
Ҳамчунин Р. Мирбобоев зикр намуд, ки дар ҷумҳурӣ 77 муассисаи таълимӣ бо забони ӯзбекӣ фаъолият мекунанд. Инчунин дар 426 муассисаи таълимӣ таҳсил ҳам ба забони тоҷикӣ ва ҳам бо ӯзбекӣ ба роҳ монда шудааст.
Айни ҳол дар ҷумҳурӣ 130 ҳазор талаба бо забони ӯзбекӣ ба таҳсил фаро гирифта шудаанд.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
