Ҳусайн Идиев, раиси «Тоҷикматлубот»: «Нархи маҳсулоти кишоварзӣ нисбат ба соли гузашта 50-60% арзонтар шудааст»
ДУШАНБЕ, 24.07.2018 /АМИТ «Ховар»/. Бахшида ба ҷашни 30- солагии Истиқлолияти давлатии Ҷумҳурии Тоҷикистон навсозии бозори Ҷамъияти матлуботи ноҳияи Мастчоҳ ва корҳои таъмиру навсозии бозори Идораи маҳсулоттайёркунии ноҳияи Ховалинг дар назар аст.
Ин нуктаро раиси Раёсати Иттифоқи «Тоҷикматлубот» Ҳусайн Идиев имрӯз зимни нишасти матбуотӣ ба хабарнигорон иброз дошт.
Ба иловаи мавсуф, имрӯз бо мақсади пешгирии болоравии нархи маводи озуқа дар бозори истеъмолӣ ва таъмин намудани аҳолии пойтахт бо маҳсулоти тоза дар шаҳри Душанбе ярмаркаҳои фурӯши маҳсулоти кишоварзӣ мунтазам гузаронида мешаванд. Хусусан дар моҳи шарифи Рамазон тибқи барқияи Ҳукумати Ҷумҳурии Тоҷикистон аз 8 майи соли 2018 ва мувофиқи қарори раиси шаҳри Душанбе аз 20 феврали соли 2018 бо мақсади ғанӣ гардонидани бозори истеъмолӣ ва бо нархҳои дастрас таъмин намудани аҳолии пойтахт бо маҳсулоти мавриди ниёзи аввал ҳамарӯза дар ҷойҳои муайяншуда ярмаркаҳои фурӯши маҳсулоти кишоварзӣ ташкил шуда, маҳсулот бо нархҳои аз бозор нисбатан арзонтар ба фурӯш гузошта мешаванд.
Ҳамчунин дар маҳаллаҳои шаҳри Душанбе бо мошинҳои махсуси боркашонӣ савдои сайёри маҳсулоти кишоварзӣ ва дигар намуди маводи ғизоӣ роҳандозӣ шудааст, ки аҳолии пойтахт метавонандаз онҳо бо нархи дастрас маҳсулот харидорӣ намоянд.
«Имсол нархи маҳсулоти кишоварзӣ нисбат ба соли гузашта 50- 60% арзонтар аст. Нархи картошка соли 2017, хусусан дар ҳамин шабу рӯз 4 сомониву 70 дирамро ташкил медод. Имрӯз ин намуди маҳсулот дар бозорҳои кишвар 1,50-2 сомониро ташкил медиҳад. Инчунин нархи пиёз соли гузашта 4 сомонию 50 дирам буд, вале имрӯз ин нарх аз 80 дирам то 1 сомонию 30 дирамро ташкил медиҳад. Имрӯз Иттифоқи «Тоҷикматлубот» кӯшиш дорад маҳсулотро аз деҳқон бо нархи арзон харида, ба аҳолӣ пешниҳод кунад»,- мегӯяд Ҳусайн Идиев.
Ба гуфтаи раиси «Тоҷикматлубот», барои таъмини аҳолӣ бо маҳсулоти мавриди ниёзи аввал дар давраи тирамоҳу зимистон захираи 620 тонна пиёз ва 600 тонна картошка дар назар аст.
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
Дар Раёсати минтақавии гумрукӣ дар Бадахшон татбиқи Стратегияи давлатии муқовимат ба коррупсия баррасӣ шуд
Донишкадаи кӯҳию металлургии Тоҷикистон ҳамкориро бо 67 муассисаи илмӣ ва таълимии давлатҳои хориҷӣ густариш медиҳад
Имрӯз дар Душанбе ҳаво то 37 дараҷа гарм мешавад
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
