Вазорати корҳои дохилӣ, Кумитаи рушди сайёҳӣ, Агентии авиатсияи гражданӣ, Маркази тадқиқоти стратегӣ нишасти матбуотӣ баргузор менамоянд

ДУШАНБЕ, 28.07.2018. /АМИТ «Ховар»/. Рӯзи душанбе, 30 июли соли ҷорӣ оид ба ҷамъбасти  фаъолият дар шаш моҳи аввали соли 2018 мутобиқи Амри Президенти Ҷумҳурии Тоҷикистон аз 15 сентябри соли 2011  Вазорати корҳои дохилӣ, Кумитаи рушди сайёҳӣ, Агентии авиатсияи гражданӣ (якҷоя бо КВД «Тоҷикаэронавигатсия», ҶСК «Тоҷик Эйр», ҶСК «Фурудгоҳи байналмилалии Душанбе»),  Маркази тадқиқоти стратегӣ, Донишкадаи давлатии санъати тасвирӣ ва дизайни Тоҷикистон нишасти матбуотӣ баргузор менамоянд.

Нишасти матбуотии Маркази тадқиқоти стратегӣ соати 9 дар толори ММҶ «Ховар» гузаронида мешавад.

Роҳбарияти Вазорати корҳои дохилӣ соати 11 бо намояндагони ВАО дар маҷлисгоҳи бинои ВКД мулоқот мекунад.

Роҳбарияти Агентии авиатсияи гражданӣ (якҷоя бо КВД «Тоҷикаэронавигатсия», ҶСК «Тоҷик Эйр», ҶСК «Фурудгоҳи байналмилалии Душанбе») соати 10 дар маҷлисгоҳи ҶСК «Тоҷик Эйр» нишасти матбуотӣ баргузор мекунад.

Нишасти матбуотии Кумитаи рушди сайёҳӣ соати 11 дар толори Маркази матбуоти ҷумҳуриявии «Ховар» гузаронида мешавад.

Нишасти матбуотии Донишкадаи давлатии санъати тасвирӣ ва дизайни Тоҷикистон соати 8 дар маҷлисгоҳи Донишкадаи мазкур баргузор мегардад.

Вазорату идораҳо ва ташкилоту муассисаҳо аз натиҷаҳои фаъолият дар нимаи якуми соли ҷорӣ маълумоти муфассал пешниҳод намуда, оид ба бурду бохти соҳа, муваффақият ва мушкилоти ҷойдошта, роҳҳои бартараф кардани онҳо мулоҳизаҳои худро изҳор мекунанд ва ба саволҳои намояндагони воситаҳои ахбори омма ҷавоб мегӯянд.

Хотиррасон мекунем, ки тибқи дастури Дастгоҳи иҷроияи Президенти Ҷумҳурии Тоҷикистон масъулони вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуотӣ гузаронидани онҳо мувофиқа мекунанд (хиёбони Рӯдакӣ, 40, ошёнаи 2, телефонҳои 918-21-52-04, 888-08-34-33, 221-30-15).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.